Den kuadro di Siman di Buki pa Mucha, Request Publishing di Denise de Jongh Rekwest a presentá dos buki nobo “Buchi Pènchi Malu” di e outor Esmeralda Tromp Jacobs di Aruba i Denise su propio buki “Papi tin Kolibrí” na Biblioteka Públiko Boneiru. Ámbos buki ta na papiamentu.
Buchi Pènchi Malu tin diferente tópiko, entre otro evitá di pensa pa hasi maldat, importansia di solo pa e ser humano, aspekto di pordoná i mustra afekshon i disidí pa skohe pa e bon kaminda.
E buki Papi tin Kolibrí ta spesialmente pa nos muchanan siña algu di nos kultura i ta pone atenshon na hendenan ku tin un don pa kura hende ku remedinan natural, esta nos kuranderonan.
Ku kontribushon di Cargill, Selibon i Web tur skol básiko i Misorgia van Langeveld Beaumont di Biblioteka Públiko a risibí un tas ku e bukinan for di man di Brian Donovan di Cargill i Claris Trinidat di Selibon.
Denise de Jongh Rekwest a entregá buki na Biblioteka Públiko
Kompartí riba
