Chèns pa retraso di resultado di tèst i investigashon di fuente i kontakto

Tin chèns ku ta yama siudadanonan ku a tèst pa COVID-19 un tiki mas lat ku normal tokante resultado di tèst òf investigashon di fuente i kontakto.

Tin chèns ku ta yama siudadanonan ku a tèst pa COVID-19 un tiki mas lat ku normal tokante resultado di tèst òf investigashon di fuente i kontakto.  Esaki ta bini pa motibu ku na e departamento di Salubridat Públiko ménos hende ta traha awor ku un empleado a kontagiá.  E departamento ta hasi tur loke por pa trabou kontinuá mas tantu posibel manera semper.

A finalisá e investigashon di fuente i kontakto di e kontagio na e departamento. A tuma medida pa tene e sitio di trabou seif i evitá mas kontagio.  E empleadonan ku a kore riesgo, ta usa tapaboka awor.

Regularmente ta laga airu pasa den e espasionan na e departamento. Tèstmentu den e kaya di tèst ta sigui normalmente. Siudadanonan ku ta tèst aya, no ta kore riesgo. E departamento ta pidi siudadanonan ku a tèst poko tempu pasá, pa tin nan selular na man ora nan ta warda resultado di tèst.

Bo tin keho? Keda kas e ora ei i yama 0800 0800 pa traha un sita pa tèst. Despues di tèst keda kas te ora nan yama bo tokante bo resultado di tèst. Si bo tèst positivo, un empleado ta splika bo na kiko bo mester tene bo mes for di e momentu ei.