Komo preparashon pa Dia di Boneiru, SKAL ta organisá un Jam Session spesial. Esaki ta tuma lugá djaluna, 1 di sèptèmber, pa 7:00 PM na Kurá di SKAL.
E anochi lo ta dirigí pa Byron Tromp y su banda Kulturando. Nan ta konosí pa nan pashon i estilo musikal amplio. Nan no ta toka solamente ritmonan krioyo tradishonal, pero tambe otro géneronan manera wals, dansa, tumba, mazurka, i músika latinoamerikano.
Invitashon na tur músiko
Tur músiko lokal ta bon biní. Trese bo instrumento y toka huntu ku Byron i Kulturando. E lo ta un anochi yen di músika, inspirashon, konekshon, i improvisashon den un ambiente amistoso y habrí.
Mas ku djis músika
E Jam Session tambe ta un momentu pa kompartí ideanan tokante kon nos por fortalesé músika na Boneiru. Tópikonan ta inkluí:
- Lanta un skol nashonal di músika
- Integrá músika den kuríkulo di skol
- krea mas interes den maestronan di músika
- Stimulá proyektonan nobo di músika den barionan
Lo sòru pa refresko y snèk pa tur músiko.
Informashon i inskripshon
- Facebook: Sektor Kultura, Arte i Literatura
- Persona di kontakto: Segni Bernardina – Tel. +599 796 5677
- Emeil: segni.bernardina@bonairegov.com
Bin disfrutá di un anochi musikal i inspirante kanando yegando Dia di Boneiru!
