Habitantenan ku a risibí ayudo den pasado pa paga nan kuenta di koriente di WEB òf PAGABON por risibí e yudansa atrobe. Nan tin ku djis kontestá algun pregunta kòrtiku ònlain pa konfirmá ku nan situashon a kambia òf nò.
Ta posibel tambe pa pidi e ayudo pa di promé biaha. Personanan ku ke apliká pa e ayudo pa promé biaha òf atrobe, por hasi esaki ònlain for di djaweps, 24 di aprel 2025 via www.bonairegov.com/koriente.
Ta depositá e ayudo dirèkt riba kuenta di WEB di e persona ku ta pidi e ayudo. Den e kaso di PAGABON, e persona ta risibí un token.
Pa pregunta òf ayudo pa pidi e yudansa, por yama òf manda un mensahe di WhatsApp na +599 701 1055 di djaluna pa djabièrnè durante ora di ofisina. Tambe ta posibel pa manda un imeil na koriente@bonairegov.com
Kondishonnan pa aplikashonnan nobo:
- E hende ku ta pidi e yudansa mester ta inskribí sinku aña tras di otro na Asuntu Sivil.
- Tin regla pa e montante di e entrada nèto di e hende ku ta pidi e yudansa i e adultonan ku ta biba den kas kuné. Por wak e reglanan riba wèpsait.
- E persona ku ta pidi e yudansa, no tin mag di tin mas ku un sierto suma di sèn di spar. Pa un hende soltero sin yu e montante ta $5.509. Pa un persona ku ta bibá ku mas hende den un kas, esaki ta $11.017.
Dokumento nesesario:
Ora di pidi e ayudo, mester entregá algun dokumentu. Por wak e lista kompleto na www. bonairegov.com/koriente
