Siman pasá a tuma lugá un tayer interaktivo riba e manera ku por hasi un aplikashon pa proyektonan serka Union Oropeo (EU). Durante e seshon bon bishitá, un eksperto riba tereno di skirbimentu di proposishon a duna un presentashon tokante kiko mester tene kuenta kuné.
Tambe kolaboradónan di International Desk, ku ta forma parti di gabinete di gezaghebber, a presentá e wèpsait riba kua tur fondo di EU pa Boneiru ta menshoná. Interesadonan por lesa mas via e wèpsait www.bonairegov.com/idb i si tin pregunta tuma kontakto ku internationaldesk@bonairegov.com
