Ekspertonan ta spera un ola nobo di corona den e último lunanan di aña ora kantidat grandi di bishitante bini Boneiru. E angua ku bo ta bolbe pasa tin ku redusí e chèns pa kontagio i redusí e chèns ku hopi tempu despues di un kontagio, hende tin keho ainda. Ta yama esaki tambe long covid.
Hende grandi ta vulnerabel. Serka nan e protekshon ku e angua di corona ta duna ta baha despues di un tempu mas rápido ku serka hende mas hóben. Ora hende grandi kontagiá, nan tin mas chèns pa bira hopi malu i bai hòspital. E departamentu di Salubridat Públiko ta konsehá amigu i famia di hende grandi pa pasa e angua di corona nobo. Asina nan ta protehá hende grandi den nan serkania.
Ora tin hopi kontagio, ménos hende ta bai traha. Esei por tin konsekuensia pa empresa, horeca, i skolnan di deporte. Tambe e preshon riba kuido por oumentá, ku ta pone ku hòspital ta yena i mester di medida èkstra. Pa prevení esaki, ta importante pa hende vulnerabel manera personanan ku sobrepeso serio, malu di suku òf preshon haltu p.e., bolbe pasa e angua kontra corona. I tambe ku hendenan salú ta pasa e angua ku bo ta bolbe pasa pa protehá nan mes i otro. Den kurso di tempu, e konosementu tokante e vírùs di corona a kambia. For di un tempu kaba, ekspertonan ta kere ku e vírùs ta keda pa hopi tempu mas meimei di nos. Pa un bon protekshon kontra e vírùs di corona ta nesesario pa ripití e angua kontra corona. P’esei e nòmber ‘angua ku bo ta bolbe pasa’.
E angua kontra corona ku bo ta bolbe pasa, ta un angua di buster. Su funshon ta pa oumentá e protekshon atkerí kontra e vírùs. Pero nos ta usa e nòmber ‘angua ku bo ta bolbe pasa’ pa ilustrá ku ta un angua ku bo por pasa mas biaha. Meskos ku e angua di grip. Na Boneiru ta pasa e angua ku bo ta bolbe pasa renobá di Pfizer.
E angua ku bo ta bolbe pasa ta pa siudadanonan di 12 aña i mas bieu ku anteriormente a pasa dos angua di corona. Hendenan riba ochenta aña ta haña e angua ku bo ta bolbe pasa promé. Djasabra 15 di òktober nan por bolbe pasa e angua kontra corona na SGB na Playa. Despues di esaki otro gruponan di edat ta na bùrt.
Siudadanonan no mester traha sita pa bolbe pasa e angua kontra corona pasa. Ta asina si ku nan mester pasa angua den e siman ku nan grupo di edat ta na bùrt. E departamentu di Salubridat Públiko ta partisipá via www.bonairegov.com i medionan di komunikashon ki dia kua grupo ta na bùrt. Den futuro no ta pasa angua mas na Kompleho Deportivo Jorge Nicolas.
Tampoko no ta pasa angua mas den un espasio apart. Salubridat Públiko meskos ku na Aruba i Kòrsou, ta bai pasa grupo di hende angua na mes momentu den ún espasio. Hendenan ku ke esei, por pasa e angua den un espasio apart. Esaki ta e skema di lugánan kaminda siudadanonan por pasa e angua ku bo ta bolbe pasa i e oranan pa hasi esaki:
Djaluna Klup Chines na La Sonrisa Ballpark 09:00 – 12:00
Djamars Klup Chines na La Sonrisa Ballpark 09:00 – 12:00
Djaweps Rucardi Lounge, (eks klup di Real Rincon) 09:00 – 12:00
Djasabra SGB Playa, Kaya Frater Odulfinus 09:00-16:00
Mira riba www.bonairegov.com pa mas informashon tokante e angua ku bo ta bolbe pasa i e dianan pa pasa angua òf yama 0800 0800.
