Apertura di e lokalidat nobo di Direktorado di Planifikashon i Desaroyo (R&O) na Kaya Amsterdam s/n a keda posponé te djaluna 17 di ougùstùs 2026. Te ku e fecha ei pa pregunta i servisio general di Direktorado di Planifikashon i Desaroyo siudadanonan por akudí na e bali di Pèrmit na Direktorado di Planifikashon i Desaroyo na Kaya Grandi 56-58.
For di djaluna 17 di ougùstùs 2026 e lokalidat nobo ta ofisialmente habrí pa públiko. Siudadanonan por akudí einan pa pregunta i servisio general di e diferente departamentonan di Direktorado di Planifikashon i Desaroyo, entre otro Asuntunan di Tereno.
E bali di Pèrmit no ta muda pa Kaya Amsterdam. Pa pregunta tokante entre otro pèrmit di konstrukshon, pèrmit di establesimentu, pèrmit di naturalesa i otro petishonnan pa pèrmit, despues di 17 di ougùstùs 2026 tambe siudadanonan por akudí na e bali di Pèrmit di Direktorado di Planifikashon i Desaroyo na Kaya Grandi 56-58.
Mester entregá i buska tur petishon, formulario, karta i otro dokumentu pa Direktorado di Planifikashon i Desaroyo na departamento di Pòst i Archivo.
Entidat Públiko Boneiru ta supliká siudadanonan pa tene kuenta ku e kambio akí i ta ofresé su diskulpa pa kualke inkumbiniensia.
