Lamentablemente hopi biaha nan ta hasi daño na e matanan i bakinan di mata den Kaya Grandi. Nan ta ranka mata for di bakinan òf nan ta kibra nan. Regularmente ta sosodé tambe ku outo ta kore pasa riba e matanan òf tin hende ta stashoná nan outo riba nan. Esaki ta sòru pa un bista desordená di e kaya i hopi inkumbiniensia pa habitantenan i bishitantenan.
Dikon e matanan ta importante?
E matanan den Kaya Grandi ta hasi e kaya mas bunita i nan ta trese mas ambiente. Den sierto kaso e matanan ta sòru tambe pa sombra i aire fresku, loke ta importante na un isla kalor manera Boneiru. E vegetashon ta bon pa nos tur i e ta krea un ambiente plasentero pa biba i traha.
Un yamada na tur hende
Nos ke pidi tur hende pa paga tinu mas mihó i respetá e matanan. Si huntu nos kuida e matanan den Kaya Grandi bon, nos kaya prinsipal ta keda bunita i salú. Bo a mira un hende ta hasi daño na e matanan òf ta stashoná su outo riba nan? E ora ei méldu esaki, di manera ku huntu nos por haña un solushon.
Laga nos traha huntu pa un Boneiru mas bèrdè
Ta importante pa nos tur aportá ku un granito pa mantené Kaya Grandi bunita i bèrdè. Huntu nos por sòru pa nos kaya keda un dushi sitio pa tur hende. Laga nos ta orguyoso di nos isla i anda bon ku naturalesa.
