Update di kuartal di dengue

Update di promé kuartal di dengue

maart 28, 2024

For di prinsipio di e aña akí tin mas kaso di dengue na Boneiru. Kasi tur aña tin algun kaso riba e isla akí. E último biaha ku tabatin hopi kaso tabata na 2012. Aña pasá hopi pais di Amérika Latino tambe tabatin hopi kaso di dengue. Dengue ta un malesa ku sangura ku pa naturalesa ta na un isla, ta transmití. E departamento di Salubridat Públiko di Entidat Públiko Boneiru ta vigilá aktivamente e situashon i ta traha huntu ku dòkter di kas, laboratorio i hòspital.

Den e promé kuartal di e aña akí, a registrá un total di 160 kaso konfirmá di dengue na e departamento di Salubridat Públiko. A determiná esaki ku tèst ku ta laga mira ku ta trata di dengue. Pero probablemente hopi mas hende a haña dengue: 4 di kada 5 hende no tin síntoma ora nan haña dengue. I no tur hende ku síntoma ta bai dòkter di kas òf ta hasi tèst, por ehèmpel pasobra e síntomanan no a asina grave i ta bai di nan mes. Pues e departamento di Salubridat Publiko no sa di tur kaso di dengue. Afortunadamente no tin hopi hende ku ta asina malu di dengue ku mester hospitalisá nan: e kuartal akí esei tabata 2 pashènt.

Den e kuartal ku a pasa, tabatin dengue den tur bario i den tur grupo di poblashon na Boneiru. For di prinsipio di febrüari nos ta mira ku e kantidat di kaso nobo di dengue pa siman ta keda kasi meskos: ta registrá un promedio di 17 kaso nobo pa siman. Pues ainda tin dengue na Boneiru, pero e no ta plama rápidamente.

Kiko e departamento di Salubridat Públiko ta hasi?

Ademas di registrá e kantidat di kaso di dengue, e departamento di Salubridat Públiko ta aktua tambe den kada kaso di infekshon notifiká: nos enfermeranan ta yama pashènt pa duna informashon i konseho tokante dengue. Despues inspektornan di nos tim di vèktor  ta pasa na kas pa wak si den kas i rònt di esaki tin kriadero pa sangura i ta trata esakinan na e lugá mes. E tim di vèktòr a hasi kaba mas ku 100 bishita na kas i trata mas ku 400 posibel kriadero. Kriadero pa sangura ta lugánan ku awa òf kaminda awa por keda para, manera bòter bashí, baki di kuminda òf tayer di outo. Limpiando e lugánan akí òf eliminando awa, bo mes por yuda tambe pa baha e kantidat di posibel kriadero.

Miéntras ta yobe regularmente, e sangura di dengue por sigui reprodusí den awa ku ta keda para i e periodo den kua dengue ta aktivo ta kontinuá. Pues nos no por eliminá dengue kompletamente, pero si nos por purba pa limit’é mas tantu posibel.

Bo tin pregunta tokante dengue? Mira e ora ei riba bonairegov.com/sangura na Preguntanan frekuente tokante dengue. Si bo pregunta no tei, tuma kontakto e ora ei ku e departamento di Salubridat Públiko.