Preguntanan hopi hasí tokante konsulta via internèt

Dikon konsulta via internèt?
E gabinete ta haña konsulta via internèt un instrumento útil komo komplemento riba e práktika di konsulta eksistente den proseso di legislashon. Dor di konsulta via internèt mas hende, negoshi i instansia ta haña informashon tokante legislashon ku ta den preparashon i por hasi sugerensianan pa mehorá e kalidat i implementashon di e proposishonnan aki. Konsulta via internèt ta oumentá e transparensia di e proseso, e posibilidat di partisipashon públiko i ta kontribuí na e kalidat di e legislashon.

Tokante kua legislashon ta pidi konsultá?
Ministerionan ta ehekutá konsultanan tokante konsepto di leinan. E Tweede Kamer ta usa e instrumento tin bia tambe pa e konsulta di proposishonnan di inisiativa.

Splikashon i reakshon den bo mes idioma?
Riba e wèpsait tin un memoria di aklarashon di e lei na Hulandes, Papiamentu i Ingles. Aki den ta splika e lei. Bo por reakshoná na Hulandes, Papiamentu i Ingles riba e proposishon di lei.

Kiko ta ferwagt di bo?
Bo por partisipá na e konsulta via internèt dor di duna un reakshon riba e preguntanan hasí. E departamento por invitá bo pa duna un reakshon riba e proposishon en general, pero tambe e por presentá un òf mas preguntanan konkreto na bo. E wèpsait espesialmente diseñá pa e eksperimento ta mustra bo e kaminda. Despues ku bo duna bo reakshon ta pidi bo, bo nòmber i e-mail. E registrashon aki ta tuma lugá di akuerdo ku e Lei di protekshon di datonan personal (Wet bescherming persoonsgegevens). Direktamente despues di finalisá e registrashon ta pidi bo, bo opinion tokante e kontenido i forma di e konsulta, a base di tres pregunta. E preguntanan aki no ta obligatorio.

Kiko ta hasi ku bo kontribushon?
Huntu ku bo nòmber i lugá di biba ta publiká bo reakshon riba e wèpsait, a ménos ku bo tin opheshon kontra di esaki. Na final di e periodo di konsulta ta studia tur reakshon i eventualmente ta adaptá e proposishon di lei. Den un relato riba e wèpsait ta menshoná den liña general e resultado di e konsulta i e prosesamentu di esei den e konsepto di proposishon. Esei ta sosodé despues ku e Konseho di Minister a aprobá e proposishon pa un lei.

Kon bo ta keda na altura?
Despues ku bo duna bo reakshon bo ta risibí un konfirmashon di resepshon via un aviso di e-mail. Tambe bo por indiká si bo ke pa sigui tene bo na altura di e progreso di e proseso di legislashon via di e-mail. Tokante di esaki tambe lo bo risibí un aviso di e-mail.