Deklarashon di garantia

Pa medio di pone su firma bou di e deklarashon di garantia e persona ku ta para garantia ta deklará ku por rekuperá tur gastu pa Entidat Públiko Boneiru ku ta surgi for di e periodo di estadia di e estranhero, kaminda tambe ta inkluí e gastunan di biahe di un estranhero pa un lugá pafó di Boneiru, for di e persona ku a para garantia. Mayoria biaha ta usa un deklarashon di garantia pa laga un konosí of miembro di famia ku ta biba den un pais ku obligashon di visa, bin bishitá Boneiru pa un periodo kòrtiku. E persona ku ta para garantia ta keda responsabel pa e persona ku el a para garantia p’e durante e periodo pa kua a duna un visa (i eventual prolongashon di esaki) i tambe pa e periodo ku e estranhero a permanesé di forma ilegal na Boneiru despues ku su periodo di visa a vense.

Kiko mester trese

Pa formulá un Deklarashon di garantia e persona ku ta hasi petishon mester mustra e siguiente dokumentunan:

Di e persona pa kende a para garantia:

· Prueba di identidat (pasport, sédula òf reibeweis);

· Kopia di e dokumentu ku ta indiká estado sivil di e persona pa kende a para garantia (si e ta kasá, un akta di matrimonio);

· Adrès kaminda e ta biba.

Di e persona ku a para garantia:

· Prueba di identidat (pasport, sédula òf reibeweis)

Gastu

Den aña 2022 e gastu pa hasi petishon pa un deklarashon di garantia ta $26,54.