Lei di preisnan BES

E dekreto insular di 15 di yüni 2020, no. 4 (A.B. 2020, no. 6), Dekreto Paro di Preis Boneiru mei 2020, pa ehekushon di e Lei di Preis BES stb. 440 ta prohibí tiendanan pa bende produktonan di promé nesesidat i produktonan ku ta nesesario pa prevenshon di i pa tratamentu di e Vírùs di Corona (COVID-19) pa un preis ku ta mas haltu ku tin riba e listanan di preis publiká riba e wèpsait di Entidat Públiko Boneiru.

A base di loke tin stipulá den artíkulo 2 (di e  Dekreto Paro di Preis Boneiru mei 2020) , Kolegio Ehekutivo por duna dispensashon riba un petishon pa hasi esei. Por hasi petishon pa dispensashon di paro di preis na direktorado di Planifikashon i Desaroyo.