Voorwaarden uitzonderingstarief of vrijstelling

Pa bini na remarke pa un tarifa di eksepshon di $ 10 òf pa un eksonerashon kompletu, mester mustra e agentenan na aeropuerto òf den haf e dokumentunan di prueba. Si e dokumentunan di prueba no ta bálido, no korekto òf no por mustra nan, e ora ei mester paga e tarifa kompletu di $ 75.

1.    Mucha di 12 aña i mas chikí
•    Un pasport

2.    Residentenan di Boneiru

•    Un prueba di identidat bálido boneriano (SÉDULA)
ÒF 
•    un ekstrakto (uittreksel) di Registro Sivil ku no ta mas bieu ku 3 luna.

3.    Residentenan di e otro 5 islanan di e anterior Antia Hulandes (Saba, Sint Eustatius, Aruba, Kòrsou i Sint Maarten)

•    Un prueba di identidat bálido (SÉDULA)
ÒF 
•    un ekstrakto (uittreksel) di Registro Sivil di e isla kaminda bo ta residente ku no ta mas bieu ku 3 luna.

4.    Yunan di nos Isla ku no ta residente

•    Pasport, nasé na un di e islanan BES (Boneiru, Saba, Sint Eustatius)

 ÒF 

•    Un akta di nasementu ku ta proba ku bo ta nasé den Reino Hulandes i ku un (1) di bo mayornan ta nasé na un di e islanan BES;

ÒF 

•    un ‘Deklarashon Di No Aplikabilidat’ di IND.

IND ta emití e deklarashon akí na e bishitante ku ta kumpli ku e definishon di Yu di nos Isla, konforme e diagrama di fluho di IND. Por hasi petishon online pa un ‘Deklarashon Di No Aplikabilidat’ akinan.

Si bo pidi e deklarashon promé ku bo salida pa Boneiru, e ora ei despues di a risibí e Deklarashon Di No Aplikabilidat por pidi restitushon di $ 65 di e Impuesto di Turista ku bo a paga na yegada. Mester buska e deklarashon personalmente na IND na Boneiru i e ta bálido pa bida largu.

5. Studiantenan boneriano ku ta studia den eskterior

A) Studiantenan ku ta kai bou di definishon di e Lei di Finansiamentu di Estudio BES i ku pues:

  1. ta risibí un finansiamentu di estudio BES konforme e Lei di Finansiamentu di Estudio BES, òf
  2. ta risibí un finansiamentu di estudio konforme e Lei di Finansiamentu di Estudio 2000 i a haña un kompensashon inisial manera intenshoná den e Lei di Finansiamentu di Estudio BES, kada aña eskolar ta haña un deklarashon di eksonerashon di finansiamentu di estudio di RCN (ministerio di enseñansa, kultura i siensia – OCW). E deklarashon akí ta sufisiente pa haña eksonerashon di e impuesto di turista, huntu ku un pasport pa proba e deklarashon akí ta di e studiante en kestion.

B) Studiantenan ku no ta kai bou di definishon di Lei di Finansiamentu di Estudio BES tin mester di mas dokumentu di prueba pa haña eksonerashon:

  • Prueba di inskripshon na un instituto di enseñansa (formashon fultime, minimalmente un  aña).
  • Pasport (studiante ku no ta mas bieu ku 30 aña na inisio di e estudio, i nasé na islanan BES)

Si bo no ta nasé na islanan BES:

  • Prueba ku por lo ménos un mayor òf tutor ta residente di Boneiru (akta di nasementu òf desishon di tutela i prueba ku e mayor òf tutor ta inskribí na Boneiru).
  • Prueba ku bo ta Yu di nos Isla mediante un Deklarashon Di NO Aplikabilidat di IND.