Trabou i Entrada

Plenchi di Trabou

Plenchi di Trabou ta un punto sentral unda buskadó- i dunadónan di trabou por akudí pa informashon i servisio riba tereno di trabou. Entidat públiko i gobièrnu sentral ta traha estrecho huntu den esaki. Plenchi di Trabou ta kere ku trabou ta e mihó kaminda pa sali for di pobresa!

Buskando trabou?
Plenchi di Trabou ta yuda residentenan di Boneiru haña trabou. Esaki ta amplia siguridat di eksistensia i e kapasidat pa para riba propio pia. E punto di salida ta trabou, pero kaminda esaki no ta posibel, Plenchi di Trabou por duna informashon tambe tokante (re)kapasitashon, coaching òf otro formanan pa amplia e chèns pa haña trabou. Wak riba nos wèpsait pa tur vakatura, registrá bo mes ‘online’, òf pasa serka nos pa un kombersashon di ‘intake’.

Buskando trahadó?
Plenchi di Trabou ta yuda dunadónan di trabou pa haña trahadónan lokal apto. Kaminda esaki no ta posibel, Plenchi por duna informashon tambe tokante pèrmit di trabou. Plenchi di Trabou ta un partner di kombersashon igual i kier koperá ku empresarionan pa logra un ekonomia lokal fuerte. Wak e posibilidatnan riba nos wèpsait òf traha un sita pa papia tokante bo situashon.