Pone kas na hür

Kua ta e barionan kaminda bo tin mag di hür pa alohamentu rekreativo?

Den e Ruimtelijke Ontwikkelingsplan Bonaire (despues: ROB), e plan di desaroyo territorial, a indiká diferente bario kaminda ta pèrmití alohamentu rekreativo. Paga tinu: por diferensiá pa kada bario i pa kada sitio si ta pèrmití alohamentu rekreativo. Bo mes tin ku wak adelantá den e ROB si ta pèrmitií alohamentu rekreativo na e sitio ku bo a skohe.

Mi tin mag di pone mi kas na hür?

Bo ke pone un kamber, un apartamentu òf bo kas na hür? Bou di sierto kondishonnan bo mag pone bo kas na hür den forma rekreativo i/òf pa término largu. Akí bou bo ta lesa mas informashon.  

Alohamentu rekreativo pa turista

Boneiru su maneho ta enfoká riba fortifikashon di alohamentu rekreativo i mehorashon kualitativo di esaki. Den kaso ku bo ke hür un kamber, un kas òf un apartamentu ku turista, e ora ei bo tin ku kumpli ku e siguiente kondishonnan.

Ku ken bo tin mag di hür?

Ku un persona individual òf un famia pa maksimalmente tres luna.

Kua ta e término pa hür?

Bo no tin mag di hür bo kamber, kas i/òf apartamento pa mas ku 90 dia konsekutivo ku un persona individual òf ku un famia.

General

Molèster

Bo ta ko-responsabel pa komportashon di bo wéspetnan i pa prevení molèster pa otro hende den bisindario. Den kaso di un notifikashon òf si tin señal di molèster, e ora ei Direktorado di Supervishon i Mantenshon di Lei por kuminsá ku un investigashon.

Siguridat kontra kandela

E kas mester kumpli ku e eksigensianan di e Dekreto di Konstrukshon BES. E Dekreto di Konstrukshon BES ta kontené entre otro instrukshonnan pa siguridat kontra kandela di bo kas.

Notifikashon

Bo tin molèster di personanan ku ta hür un kas den bo bisindario? Òf bo ta pensa ku un kas ta na hür den forma ilegal? Hasi un notifikashon! Klek akinan.