Dekreto di Gezaghèber di Boneiru (23 aprel 2021) Lesa mas tokante di e pandemia COVID-19

 

Enseñansa

Enseñansa básiko

E muchanan na Boneiru ta sigui for di nan 4 te ku 12 aña enseñansa básiko. Enseñansa básiko ta promové formashon amplio di e muchanan. E enseñansa ta dirigí su mes riba desaroyo emoshonal i intelektual, riba desaroyo di kreatividat i e atkishon di abilidatnan sosial, kultural i korporal. E núkleonan di meta ta un implementashon di esaki. E totalidat koherente i p’esei e metanan prinsipal ta duna un imágen di e kontenido di e oferta di e enseñansa básiko. E núkleonan di meta pa esaki ta:

  • Hulandes
  • Ingles
  • Papiamentu 
  • Kalkulashon i Matemátika
  • Orientashon riba bo mes i mundu 
  • Orientashon artístiko
  • Enseñansa di moveshon

Núkleo di meta ta metanan tentativo. Nan ta indiká kiko kada skol den tur kaso mester trata na logra serka e alumnonan.

Enseñansa avansá

Na Scholengemeenschap Bonaire (SGB) muchanan di 12 te ke 18 aña por sigui enseñansa avansá riba diferente nivel.

Enseñansa obligatorio

E lei di enseñansa obligatorio BES ta stipulá ku un mucha ta obligá pa regularmente bai skol. E reglanan den e lei aki ta bálido pa muchanan entre 4 pa 18 aña i desde 1 di yanüari 2011 ta na vigor.

Den e lei tin tur e obligashonnan i reglanan relashoná ku e obligashonnan di mayornan i tutor manera:

  • Inskripshon di e yunan na skol
  • Sòru pa e muchanan bai skol tur dia

Tur skol a risibí un manual en relashon ku e enseñansa básiko i avansá den kua tin entre otro asuntunan manera;

  • Enseñansa obligatorio
  • Inskripshon i kanselashon na skol
  • Suspenshon i kitamentu di alumnonan for di skol
  • Kasonan eksepshonal
  • Momentu ku tin posibilidat pa dispensashon di e obligashon
  • Kua regla ta bálido en relashon ku faltamentu di skol

E lei ta drenta na vigor momentu ku un yu alkansá 4 aña i ta finalisá momentu ku e hasi 18 aña òf na final di aña eskolar kaminda e mucha haña por lo ménos su diploma MBO nivel 2, HAVO/VWO òf un diploma igual ku ta rekonosé dor di minister di enseñansa.