Plan di maneho pa Naturalesa i Medio Ambiente Hulanda Karibense
Plan di maneho pa Naturalesa i Medio Ambiente Hulanda Karibense
E Plan di maneho pa Naturalesa i Medio Ambiente Hulanda Karibense ta pone temanan komun i spesífiko relatá na naturalesa i medio ambiente na diskushon. E ministerionan hulandes di Agrikultura, Naturalesa i Kalidat di Kuminda, Infrastruktura i Maneho di Awa i Asuntunan Interno i Relashonnan den Reino a formulá e plan. E plan ta ofresé un kuadro integral riba kua durante e próksimo 10 añanan por hasi un apelashon. E Plan di maneho pa Naturalesa i Medio Ambiente Hulanda Karibense por sierto ta enfoká riba responsabilidatnan, metanan di maneho i obligashonnan legal ku ta relashoná ku maneho di ambiente natural na Boneiru, Sint Eustatius i Saba. Pa e Plan di maneho pa Naturalesa i Medio Ambiente Hulanda Karibense bo por akudí akinan.
Metanan Stratégiko
Den e plan a formulá 4 meta stratégiko bou di e vishon general di un komunidat próspero i un identidat kultural den ekilibrio ku un ambiente natural dinámiko i salú.
E 4 metanan stratégiko ta:
- Para e tendensia di degradashon di ref di koral pa krea ref di koral salú, fleksibel i resistente ku ta forma un garantia pa bienestar na Hulanda Karibense;
- Rekuperashon i preservashon di e hábitatnan i espesienan úniko na Hulanda Karibense pa e generashonnan aktual i di futuro;
- Uso sostenibel di tera i awa pa desaroyo di ekonomia lokal;
- Krea kondishonnan lokal pa resultadonan duradero di maneho di naturalesa na Hulanda Karibense.
Kada un di e metanan stratégiko aki konosé metanan mas spesífiko. Pa kada un di e metanan aki Entidat Públiko Boneiru lo desaroyá su propio plannan di ehekushon spesífiko.
Plan di Naturalesa i Plan di Medio Ambiente
Dentro di e kuadro stipulá di e Plan di maneho pa Naturalesa i Medio Ambiente Hulanda Karibense e unidat di Naturalesa i Medio Ambiente lo formulá tantu un plan di mas aña pa Naturalesa komo un plan di mas aña pa Medio Ambiente. Seguidamente e Plan di Naturalesa i e Plan di Medio Ambiente ta fungi komo plan di akshon pa e maneho di naturalesa i medio ambiente na Boneiru. Pa e Plan di Naturalesa Boneiru 2020 – 2024 bo por akudí akinan.
