Plèstik desechabel

Prohibishon di plèstik desechabel na Boneiru

Porfin t’asina leu: Boneiru ta bai prohibí plèstik desechabel. For di 1 di yüni 2022 kos pa drai ko’i bebe kuné, pipa pa bebe kuné, saku pa hasi kompra i kuchú, fòrki i kuchara di plèstik ta prohibí. For di 1 di ougùstùs 2022 e prohibishon di baki di kuminda di fom ta drenta na vigor. Na Boneiru tur aña nos ta tira 2 te 3 mion baki di kuminda di fom afó. Un parti di e bakinan akí ta terminá komo shushi kantu di kaminda i den mondi. Si kada biaha nos usa ménos produkto di plèstik desechabel, esaki ta mas mihó pa medio ambiente.

Plèstik desechabel no ta bon pa naturalesa i ekonomia. Desperdisio di plèstik ku hende tira afó na un manera robes, tin ora ta resultá den naturalesa òf den laman. Laman i bich shushi ta un mahos bista i esaki ta malu pa medio ambiente. Eliminá desperdisio ta kosta hopi sèn. Ta mas mihó pa nos medio ambiente pa remplasá plèstik desechabel pa produktonan sostenibel. Huntu nos ta hasi Boneiru liber di plèstik.

Dia 19 di òktober 202 Entidat Públiko Boneiru a bai di akuerdo ku e prohibishon di plèstik desechabel na Boneiru. E korant di proklamashon (afkondigingsblad) ku informashon bo por haña akinan.

Bo tin pregunta tokante e prohibishon? Manda bo pregunta via email na plasticvrij@bonairegov.com