Lista di opheto dengue, zika i chikungunya

Kontrolá bo kurá regularmente si tin opheto den kua awa por keda para. Asina bo ta pèrkurá ku sangura no por brui i bo ta yuda prevení e malesanan di dengue, zika i chikungunya.

Tayer di outo

Mester warda nan bou di un dak, òf tapá di tal manera ku no por fangu awa ku nan.

Stof, frishidèr, wasmashin i outo

Mester hiba nan landfill i mester sòru pa tanten ku nan ta pará afó di kas, no tin awa den nan, òf no por fangu awa ku nan.  

Bòter (bashí)

Mester deshasí di nan òf hiba nan pa resiklá.  Mester yena bòter kibrá (ku por ehèmpel ta pegá  riba muraya di kurá) ku tera òf santu.

Bleki, beker i baki di fom

Mester deshasí di tur otro sushi ku ta bentá riba kaya òf den mondi. Asta  tapa chikitu di bòter por bira un kriadero pa sangura!

Kos di hunga

Awa por bai den kos di hunga den bo kurá  si bo no a deshasí di dje. I asina bira un kriadero pa sangura.  

Plas di awa ku ta keda para mas ku un siman

Bari kita e awa òf yena e buraku ku tera.

Vas di flor, òf skòter bou di pòchi di mata

Mester limpia esakinan un biaha pa siman pa kita webu di sangura. Yena pòchi di stèk di mata den awa ku tera (p.e. mata ku ta rama Ivy). Awendia hopi biaha ta usa vas i pòchi grandi pa dekorashon den kurá; mester yena esakinan ku tera òf pone buraku parti abou asina awa por kore bai.

Baki di kuminda i baki di awa pa bestia di kas

Mester limpia esakinan minimalmente ún biaha pa siman bon (spòns di skür na rant pa kita eventual webu).

Barí pa fangu áwaseru

Mester tapa barí pa fangu áwaseru  ku paña òf skrin. Mester mara e paña òf e skrin ku alestik òf waya di heru pa sangura no por yega na e awa.

Blòki di betòn hòl, blòki dekorativo i speilu hòl di waya di kurá kaminda awa por keda para

Mester yena nan ku tera òf semènt  pa nan no por fangu awa.

Pisina, baki di awa ku ta supla yena ku airu, baki di santu òf boto ku no den uso

Bòltu esakinan boka abou pa awa no keda para den nan.

Het

Mester limpia regularmente.

Pòchi di tualèt ku bo no ta usa regularmente

Mester flùsh minimalmente ún biaha pa siman. E tanki di pòchi di tualèt mester ta semper tapá.