Hubentut

Ser hóben na Boneiru

Nos hubentut ta nos futuro, ku atenshon renobá pa prevenshon i partisipashon. Hóbennan a indiká di kier ta i mester ta partísipe den diferente faseta; for di “ser informá” te ku “yuda tuma desishonnan” riba temanan di importansia sosial, pa asina nan por lanta pa nan derechonan. Gobièrnu tin un ròl krusial pa konopá e diferente partidonan ku tin di aber ku e hóbennan pa traha huntu (inkluyendo mayornan) i ku por duna un bon ehèmpel.

Entidat públiko Boneiru ta sòru pa muchanan i hóbennan por desaroyá i krese bira siudadanonan salú, kreativo, aktivo i siudadanonan ku por yuda nan mes. Den un situashon ideal e hóben ta disfrutá di salú optimal, tin gosa di un bon esfera di kuido i por gosa di su tempu liber, su kultura, deporte i enseñansa, kual lo kondusí na oportunidatnan amplio di trabou i posibel negoshi, formando parti di e komunidat Bonairiano. E empeño ta pa salbaguardiá e partisipashon sosial pa evitá ku hóbennan ta deskonektá for di e komunidat. E énfasis ta riba e formashon di su base, dor di proveé konsientisashon, partisipashon i stimulá outosufisiensia. Muchanan i hóbennan ta ser prepará di tal manera ku nan ta visualisá e balornan i identidat di e komunidat Bonairiano i asina partisipá kompletamente dunando nan aporte na esaki. 

E hubentut ta ser ofresí un sierto kantidat di akohida i aktividatnan despues di skol. Riba tereno di kultura, deporte i weganan tin diferente aktividat unda e hóben por relahá su mes i alabes siña tokante diferente tema òf pone den práktika loke nan a siña.
Riba e wèpsait aki i otro plataformanan sosial hóbennan en buska i esnan ku ta proveé aktividatnan lo por haña otro.