Haf

Servisio di haf i lots (Haven & Loodswezen) ta enkargá ku atendementu ku servisio di lots, mara i lòs barku i designá luga di mara pa barku i boto, atendementu ku asuntunan finansiero atministrativo di e aktividatnan di haf i lots, sòru pa òrden i siguridat den haf i protekshon di haf, mantenshon di areglonan legal relashoná ku nabegashon i medio ambiente marino, supervishon riba mantenshon di e wafnan, sòru pa siguridat riba awa i kordinashon di kombatimentu di kalamidat riba laman.

Servisio di haf i lots (Haven en Loodswezen) ta ehekutá e siguiente trabounan:    
•    Designá luga di mara barku i boto;
•    Ehekutá servisio di lots;
•    Ehekutá protekshon di haf;
•    Kobramentu i entrega di sèn di lots, sèn di mara boto i derecho di prekario;
•    Mantenshon di waf;
•    Registrashon di embarkashonnan lokal;
•    Sertifikashon di embarkashonnan lokal komersial; 
•    Eksigí sertifikashon di tripulashon pa embarkashonnan komersial kapitan.