Dekreto di Gezaghèber di Boneiru (23 aprel 2021) Lesa mas tokante di e pandemia COVID-19

 

Desaroya di bario

Desaroyo Integral di Bario ta sòru ku habitantenan di bario den e seis (6) barionan tradishonal (= Amboina, Antriol, Nikiboko, Nort’i Saliña, Tera Kòrá i Rincon) por yuda pensa i determiná kiko ta di importansia den nan bario. Pa hasi e barionan aktivo i atraktivo i adekuá pa biba i traha atrobe, pa kada bario i den koperashon ku habitantenan di bario i plataformanan di bario mester formulá plannan, den kua ta fortifiká e puntonan positivo den e barionan i huntu ku esei atendé ku e problemanan.

E habitantenan di bario ta indiká kiko nan ke alkansá den nan bario i ta yuda pensa tokante kua ta e solushonnan ku por aportá na esei. Departamento di Desaroyo Integral di Bario ta pensa huntu ku nan, ta duna konseho i ta fasilitá den esaki.

E base ta den koheshon sosial di e bario, den e manera di biba konhuntamente ku otro den bario, pero naturalmente tin tambe problemanan espasial i físiko i oportunidatnan ku mester atendé kuné.