Salú

Bakuna
Un kachó kada aña mester di un bakuna kontra malesa di kachó i Parvo. Mester bakuná un pùpi ora e tin 6, 9, i 12 siman i despues, meskos ku un kachó adulto, un bia pa aña. Por hasi esaki serka veterinario.

Bo ke hiba e kachó den avion? E ora ei un bakuna kontra rabia (Rabiës) ta obligatorio. Pa mas informashon, tambe wak riba Met uw hond of kat op reis buiten de EU | Huisdieren en reizen | NVWA

Bichi, karpata i pruga

Serka un pùpi te ku 6 luna mester eliminá bichi tur luna ku un medio adekuá. 
Haakworm, bichi di sinta i bichi askaride (spoelworm) ta esnan mas komun. Bo por eliminá bichi 2 pa 3 tres bia pa aña ku un tablèt. Serka un pùpi te ku 6 luna mester eliminá bichi tur luna ku un medio adekuá.

Hartworm (bichi di kurason) ta presente na Boneiru i por ta mortal pa e kachó. Sangura ta transmitié. E ta un enfermedat ku bo ta haña solamente den área trópiko. Via e sanger por komprobá si un kachó tin hartworm. Prevení hartworm. Duna bo kachó un tablèt regularmente. Bo por kumpra esaki na un tienda di bestia. 

Karpata
Un karpata ta un parasit. Un karpata ta morde den e kueru i ta chupa i yena su mes ku sanger. E ora ei nan ta krese lihé i por bira shinishi. Na final e karpata ta kai for di e kachó. Un karpata no ta bon pa salú di e kachó.

Un karpata por duna e kachó malesa di karpata; bo ke prevení esei. Un kachó kontagiá pa mordé di karpata por haña síntoma di malesa mesora. Pensa por ehèmpel na sinti malu, move slo i pèrdè peso. Pero ta posibel tambe ku e malesa ta latente i ku añanan despues numa ta desaroyá síntoma. Pues ta importante pa hasi un kachó liber di karpata mas lihé posibel.

Por hasi esei di diferente forma. Tin hopi medio disponibel inkluso tablètnan, shampo pero tambe por ehèmpel un pinsèt pa ranka karpata. Informá serka veterinario kiko ta mas adekuá pa bo kachó.

Pruga
Pruga ta parasit chikitu ku ta duna e kachó hopi molèster. E kachó ta haña grawatamentu i ta grawatá hopi. Si bo kachó ta grawatá hopi, esei por ta un señal di pruga. Si bo wak e lana di e kachó i topa mancha chikitu pretu aki aya riba su kueru, esei tambe ta un señal di pruga. Pruga ta multipliká lihé. Tin diferente medio optenibel pa kombatí pruga. Puntra e veterinario òf e tienda di bestia kiko ta mas adekuá pa bo kachó.

Sterilisashon
Un tefi por haña pùpi for di ora e tin 6 luna. E por haña te ku 15 pùpi. E ora ei di ripiente bo ta responsabel pa 16 kachó. Pa prevení esei, ta bon pa sterilisá e kachó na tempu.

E bentahanan di sterilisashon ta:

• No tin pùpi no deseá
• E kachó no ta pidi machu mas
• No tin chèns di haña infekshon di matris

E desbentahanan por ta:

• E kachó por bira un tiki mas gordo
• E lana por kambia un tiki
• Pèrdida di urina, esei no ta sosodé hopi

E kachó mester bai veterinario. Einan ta pon’e bou di narkósis, despues di kua e operashon ta tuma lugá.

Kapamentu
Bo tin un kachó machu? E ora ei tambe ta importante pa laga yuda e kachó. E ta prevení ku di otro moda un otro persona ta hañ’e ku pùpi no deseá. Tambe e ta hasi e chèns di kachó ku ta skapa i bringamentu mas chikí. Kapamentu si ta sosodé bou di narkósis total.