Angua kontra neumokoko

Neumokoko ta un bakteria. Tin sigur 60 diferente sorto di neumokoko. Neumokoko por kousa diferente malesa, manera pulmonia.

Spesialmente hendenan di 60 aña i mas bieu por bira malu pa motibu di neumokoko. Nan tin  un resistensia mas abou i fásilmente bakteria por drenta nan kurpa.

E angua kontra neumokoko ta hasi e chèns ku bo ta bira malu pa motibu di neumokoko mas chikitu.

Pa ken e angua kontra neumokoko ta?

E angua kontra neumokoko ta pa personanan entre 60 i 80 aña i ta duna esaki kada 5 aña. Mayoria biaha bo dòkter di kas ta pasa e angua kontra neumokoko huntu ku e angua kontra grip.

Pa mas informashon, bo por tuma kontakto ku bo dòkter di kas.

E aña akí mi ta haña un angua kontra corona, e angua kontra grip i tambe e angua kontra neumokoko. Ta hasi daño si pasa mas ku un bakuna den un tempu kòrtiku tras di otro òf pareu?

Nò, no tin daño si haña e bakunanan akí den un tempu kòrtiku tras di otro òf pareu. Nos sistema di defensa por reakshoná riba mas ku un bakuna pareu. No tin efekto riba funshonamentu òf seguridat ora duna e bakunanan akí den un tempu kòrtiku tras di otro òf pareu.