Kompensashon pa un solo biaha pa kompania di taksi, di ‘tour’ i di hür outo

Kiko e kompensashon pa un solo biaha akí ta enserá pa Entidat Públiko Boneiru?

For di momentu ku e pandemia di COVID-19 a kuminsá kompanianan di hür outo, kompanianan di taksi i kompanianan ku ta hasi ‘tour’ turístiko a haña nan mes konfrontá ku un kaida signifikante di nan entrada. Impuesto di vehíkulo di motor, seguro i otro gastunan a sigui kore. Práktikamente no por a usa e propiedatnan di e kompanianan di hür outo, di ‘tour’ i di taksi pa yega na entrada di otro forma. Pa e motibu akí ta otorgá un kompensashon pa un solo biaha na e kompanianan akí.

Pa ken e kompensashon pa un solo biaha akí ta intenshoná?

Pa kompanianan di hür outo, kompanianan di taksi i kompanianan ku ta hasi ‘tour’ turístiko riba kaminda, ku tin pèrmit i ku ta registrá.

Kon haltu e kompensashon pa un solo biaha ta?

E kompensashon pa un solo biaha ta un suma di US$ 100 pa kada vehikulo di transporte ku ta registrá pa kompanianan ku komo meta ‘hürmentu di outo’ òf ‘kompania ku ta hasi ‘tour’, o sea un suma di US$ 100 pa kada taksi ku ta registrá (siendo doño di pèrmit pa taksi).

Kondishonnan importante pa bini na remarke pa e kompensashon pa un solo biaha:

➔ E persona ku ta hasi petishon mester ta residente di Boneiru (inskribí i bibá na Boneiru);

➔ Fecha di establesimentu di e kompania na Boneiru ta promé ku 11 di mart 2020;

➔ E kompania ku ta hasi petishon mester ta registrá na Kámara di Komèrsio na Boneiru;

➔ Solisitante a paga impuesto di vehíkulo motorisá pa aña 2020 kompletamente;

➔ Si ta trata di un taksi: e shofùr prinsipal ta alabes e doño prinsipal di pèrmit i ta disponé di un pèrmit pa kore i/òf dekreto bálido òf un pèrmit pa kore i/òf dekreto bálido ku el a risibí últimamente;

➔ Si ta trata di un kompania di hür outo: e persona ku ta hasi petishon mester proba ku e impuesto di hür outo pa aña 2020 ta pagá i e tin ku añadí kopia di e 3 último pagonan di aña 2021;

➔ Ta hasi petishon pa e kompensashon pa un solo biaha pa un vehíkulo ku ta registrá, o sea vehíkulonan ku ta registrá di e kompania i ku ta aparesé den e sistema di registrashon di Entidat Públiko Boneiru.

Tèrmino pa hasi petishon i tratamentu di e petishon

Bo por hasi petishon pa e kompensashon pa un solo biaha pa mas tardá 10 di òktober 2021. Bo por hasi esaki na dos manera:

1) ‘Download’ e formulario pa hasi petishon, yen’é, skèn e i mand’é huntu ku tur prueba i anekso ku a pidi via email na alivio@bonairegov.com

2) ‘Download’ e formulario pa hasi petishon, yen’é i entreg’é personalmente huntu ku tur prueba i anekso pidí, for di djaluna te ku djabièrnè di 08:00 or te 11:00 or na ofisina di Direktorado di Komunidat i Kuido na Kaya Neerlandia 41.

E ora ei manda un email: alivio@bonairegov.com. Òf traha un sita via: Telefòn:
+(599)715 5311 

Despues ku nos risibí bo petishon, bo ta risibí un konfirmashon for di e emailadrès alivio@bonairegov.com ku nos a risibí bo petishon. Den kaso ku tin pregunta adishonal, for di e emailadrès akí nos ta tuma kontakto ku bo.

E tèrmino pa tratamentu di bo petishon ta dura maksimalmente 8 siman despues di e fecha ku a risibí bo petishon.