Mantenshon

Direktorado di Supervishon i mantenshon di lei I Órden tin e responsabilidat pa supervisá prinsipio di lei I regulashon.Supervishon.Bou di supervishon ta nifiká ehekutá di control ku ta wòrdu hasi via informashon I atenshon pa prevenshon òf eliminashon di kualke violashon. Bou di mantenshon ta komprondé e uso di medio di sanshon. Manera imponé un karga di obligashon òf un karga di obligashon atministrativo.

Direktorado di Supervishon i Mantenshon di lei i órden ta supervisá un kantidat di lei speshal. Algun ehèmpel ta: Inspekshon general di polis, Lei di entiero BES, Desishon di mata I inspekshon di karni BES, Regulashon di Bebidanan i Hospitalidat, Eilandsverordening afvalstoffen Bonaire, Regla di haf, Lei di preis BES, lei di Merkansia BES, Lei di fundeshi BES, Lei di establesimentu di negoshi BES, Lei di Bibienda, Planikifashon di tereno i maneho di medio ambiente, i e lei di sera tienda BES.

Preguntanan relashoná riba e maneho di reglanan por tuma kontakto via e meil adrès di Direktorado di Supervishon i mantenshon di lei i órden: bisami_th@bonairegov.com òf via telefòn 7155300.

Keho I Informashon

Den kaso ku bo mes ta enfrentando un violashon di lei ku ta wòrdu supervisá pa Direktorado di Supervishon i Mantenshon di lei i órden,e ora ei bo por presentá bo keho na Direktorado di Supervishon I Mantenshon di Lei i Orden, i na e Direktorado di Supervishon I Mantenshon di Lei i Orden ta investigá e keho, I si tin un ofensa legal lo hala atenshon di e transgressor.Ora ku abo mes no ta e autor,pero tòg ke notifiká un violashon e ora ei por akudí tambe na balie di Direktorado di Supervishon i Mantenshon di Lei i Orden.

Kehonan I notifikashonan ku ta relashoná ku violashon di Lei i reglanan por presentá esakinan via e lenk aki:

Organisashon

E direktorado ta konsistí di diferente departamento i ku tin diferente área di atenshon:

Supervishon i Matenshon di Komunidat i Kuido

Kiko departamentu di Komunidat i Kuido ta hasi?

Departamento di Komunidat i Kuido ta tene supervishon riba merkansia i higiena públiko. E supervishon ta enfoká riba produkto ku ta daña lihé, preparashon di komestibel i kumplimentu ku e pèrmit di Bibida i Hóreka ku a otorgá. Banda di esei den koperashon ku departamento Veterinario ta tene supervishon riba importashon di karni i benta di karni di kabritu ku no ta di kùr.

Produkto ku ta daña lihé

Den kaso di supervishon riba komestibel por hasi distinshon entre di un banda produkto ku por daña lihé i produkto ku por warda pa hopi tempu.

E produktonan ku por warda pa hopi tempu tin un fecha di ‘por-konservá-por-lo-ménos-te’. E departamento no ta kontrolá riba esaki. E fecha di ‘por-konservá-por-lo-ménos-te’ ta indiká te ki dia e produktor di e produkto ta responsabel. Despues di esei e bendedó ta responsabel pa kalidat di e produkto.

E produktonan ku por warda pa tempu kòrtiku pasobra nan ta daña lihé tin un fecha di ‘por-usa-te’. E departamento ta tene supervishon riba e produktonan aki. Periódikamente ta tene kontròl den komèrsio por detal i otro sektornan ku ta bende i/òf usa tipo di produktonan asina.

Preparashon di komestibel

E departamento ta enkargá ku kontròl di higiena di negoshi ku ta ofresé komestibel. Esaki ta enserá tantu komèrsio por detal (inkluso benta riba kaya) komo hóreka. Pa preparashon di komestibel ku ta ofresé komersialmente semper mester di un pèrmit. Promé ku otorgá un pèrmit e departamentu ta kontrolá si e kushina ta kumpli ku eksigensianan di higiena. Periódikamente ta hasi inspekshon. E departamento ta investigá tambe señalnan di suidadanonan tokante situashonnan higiéniko malu.

Pèrmit di Bibida i Hóreka

E departamento ta tene supervishon riba kumplimentu ku e pèrmitnan di bibida i hóreka ku a keda otorgá. Ta trata aki di entre otro pèrmit ‘pa bai kuné’ (negoshi di ‘take-away’), pèrmit pa bar i restorant, pèrmit pa hotèl, pèrmit pa ‘resort’ i pèrmit pa apartamentu. Banda di supervishon riba siguridat di kuminda, e supervishon ta enserá tambe higiena general.

Servisio

Informashon tokante legislashon i regulashon

Informashon tokante legislashon i regulashon bo por haña via e siguiente‘hyperlinknan:

Ordenansa di Bibida i Hóreka Boneiru
Dekreto di Hóreka Boneiru
Ordenansa general lokal

Bo por hasi pregunta tokante regulashon via email di Direktorado di Supervishon i Mantenshon di Lei bisami_th@bonairegov.com òf telefónikamente via number di Direktorado di Supervishon i Mantenshon +599 715 5330. Pa pregunta tokante otorgamentu di pèrmit di Bibida i Hóreka bo por akudí na Direktorado di Planifikashon i Desaroyo. Pa pregunta tokante pèrmit ku ta regardá evento i benta riba kaya, bo por akudí na departamento di Asuntunan Hurídiko i General (JAZ) di Direktorado di Maneho i Sosten.

Keho tokante siguridat di kuminda i higiena

Pa keho tokante siguridat di kuminda i higiena bo por tuma kontakto via e number di telefon di Direktorado di Supervishon i Mantenshon di Lei +599 715 5330. Òf bo ta manda un email na bisami_th@bonairegov.com.

Departamento di Proyekto i Taskforce

Departamento di Proyekto di Taskforce ta ehersé funshon di wowo i orea den direktorado. Na momento ku deskubrí violashon di lei òf aktonan iregular ta mèldu esakinan na e departamento en kestion i / òf na otro outoridatnan kompetente. E departamento ta traha oranan iregular. Durante oranan di anochi, durante siman, den wikènt di riba dianan di fiesta tambe e ta ehekutá e funshon di wowo i orea.

Aparte di e funshon di wowo i orea, e departamento di Proyekto i Taskforce, riba petishon, ta duna sosten na e otro departamentonan dentro di e direktorado ku inspekshon, kontròl i investigashon.

Banda di e funshon di wowo i orea, diariamente e departamento di Proyekto i Taskforce ta tene supervishon riba un sorteo korekto di FWNB. Tambe e departamento ta sòru pa siguridat durante reunion di Konseho Insular i Komishonnan Fiho di Entidat Públiko Boneiru.

Otro tareanan ta (1) supervishon riba vürwèrk, tantu importashon, almasenahe, benta i tiramentu di vürwèrk profeshonal, (2) supervishon riba kobamentu di greis i (3) supervishon di shushi riba kaminda públiko.