Departamentu Veterinario
E organisashon
Den matadero ta traha dos matadó di bestia, dos funshonario di kùr, un dòkter di bestia i un atministradó. Ámbos matadó di bestia ta enkargá ku matamentu di bestia i e atministradó ta sòru pa atministrashon. E funshonarionan di kùr promé ku e matamentu tuma lugá ta kùr si e bestia ta salú. Despues ku mata e bestia ta kùr e karni un biaha mas.
E funshonarionan di kùr ta responsabel tambe pa kùrmentu di karni ku ta keda importá for di otro pais. Kùrmentu di karni ta enfoká riba tantu siguridat di alimento komo riba prevenshon di malesa di bestia.
E dòkter di bestia ta finalmente responsabel pa tantu importashon di karni komo pa matamentu di bestia. Banda di esei e dòkter di bestia ta ehersé otro tareanan tambe riba tereno veterinario pa prevení malesa di bestia na Boneiru.
Matamentu di bestia
Bo por akudí na matadero pa matamentu di karné, kabritu, porko, baka i galiña.
Matamentu di bestia ta tuma lugá tur dia di siman, ku eksepshon di e promé djaweps di luna. Pa mata bestia mester mèldu minimalmente dos dia adelantá!
Ta mas mihó pa bo mèldu matamentu di bestia via un mensahe riba Whatsapp: (+599) 796 - 4851. Banda di esei bo por mèldu tambe via telefon riba number (+599) 717 - 4393 i si nan no kontestá, riba number (+599) 715 - 5300 òf manda un email na slachthuis@bonairegov.com.
Base hurídiko
E base hurídiko di departamentu veterinario di Boneiru ta formulá den e dekreto ‘Slacht en vleeskeuring BES – Matamentu di bestia i kùrmentu di karni BES’ i e areglo ‘Slacht en vleeskeuring Bonaire - Matamentu di bestia i
kùrmentu di karni Boneiru’. Aki den tin tambe e eksigensianan pa loke ta trata kùrmentu di produktonan veterinario importá i tambe e reglanan relashoná ku matamentu di bestia i kùrmentu di karni. Aki den bo ta haña tambe e eksigensianan organisatorio ku e prosesadónan di karni mester kumpli kuné.
Tarifa di inspekshon di importashon
Na momentu di importashon di karni i/òf produktonan di karni mester tene kuenta ku algun aspekto.
Si bo ku importá karni i/òf produkto di karni, e ora ei bo tin ku haña pèrmit promé di departamentu veterinario di Boneiru. Riba e siguiente diagrama bo por pasa den e pasonan ku tin ku tuma.
Por lo pronto ta únikamente posibel pa importá karni i/òf produkto di karni for di matadero i fábrika di kòrta karni ku Union Oropeo i/òf Merka a rekonosé. Pa mas informashon bo por sigui e siguiente hyperlinknan.
> Door USA toegelaten slachthuis en uitsnijderijen
> Door EU toegelaten slachthuizen en uitsnijderijen.
Si no opstante esei tòg bo ke konsultá tokante otro posibilidatnan di importashon, e ora ei bo por tuma kontakto ku e dòkter di bestia i/òf funshonario di kùr di departamentu veterinario di Boneiru.
Mester méldu importashon di karni dos dia adelantá i por hasi esei telefónikamente riba number (+599) 715 - 5300 òf via email: importkeuring@bonairegov.com.
Importashon di bestia
Si bo ke importá bestia, e ora ei bo tin ku konsultá e dekreto ‘Invoer kleine dieren BES – Importashon di bestia chikitu BES’. Mas aleu bo por tuma kontakto ku e dòkter di bestia pa hasi petishon pa e eksigensianan veterinario di Boneiru. Esakinan ta dependiente di entre otro e tipo di bestia i e pais for di kua nan ta bin.
> Besluit invoer kleine dieren BES
Eksportashon di bestia
Ora ku bo ke bai den eksterior ku bo bestia di kas, bo tin ku tene bo mes na legislashon i regulashon estranhero. E eksigensianan pa loke ta trata importashon pa e diferente paisnan por varia bastante. Pa eksportashon di bestia (di kas), entre otro kachó i pushi, bo por akudí serka e dòkter di bestia pa un sertifikado veterinario. E eksigensianan pa eksportashon ta dependiente di e tipo di bestia i e pais kaminda nan ta bai.
Pa e eksigensianan di e pais kaminda nan ta bai bo tin ku tuma kontakto ku e departamentu veterinario di e pais ei. Bo por konsultá e LICG tambe pa un bista general: www.licg.nl.
