Senior Konsehero di Komunikashon Atministrativo
Entidat públiko Boneiru ta traha diariamente pa logra un atministrashon transparente, konfiabel i ku enfoke riba futuro pa nos isla. Den esaki komunikashon ta hunga un ròl klave: e ta konektá gobièrnu, organisashon i komunidat.
Kiko bo ta bai hasi?
Bo ta e bos tras di atministrashon di Boneiru. Komo Senior Konsehero di Komunikashon Atministrativo bo ta sòru pa konta e storianan, desishonnan i ambishonnan di Gabinete di Gezaghèber, di Ofisina di Sekretario Insular i di Ofisina di e Diputadonan na un manera klarito, sinsero i konbinsente. Bo ta traha den un ambiente kaminda hopi biaha komunikashon ta bou di un ‘vergrootglas’. Pa e motibu akí bo ròl ta esensial pa krea direkshon, trankilidat i konfiansa, tantu internamente komo eksternamente. Duna sosten na Konseho Insular tambe ta pertenesé na bo pakete di tarea.
Nos ta buskando un Senior Konsehero di Komunikashon statégiko i polítikamente sensitivo ku ta para duru den su sapatu, ku ta haña energia di dinamismo atministrativo i ku ta aportá ku konvikshon na identidat di marka di Entidat Públiko Boneiru. Bo ta tradusí plannan di maneho den mensahenan komprendibel i atraktivo, bo ta desaroyá strategianan di komunikashon bon pensá i kampañanan efektivo dirigí riba públiko, i bo ta sòru pa gobièrnu ta visibel, konfiabel i aserkabel pa habitantenan, partnernan i medionan di komunikashon. Alabes bo ta un sparringpartner stratégiko pa mandatarionan: bo ta duna nan konseho tokante aktuashon komo bosero, reputashon i komunikashon di krísis, i bo ta yuda nan pa komuniká nan mensahe ku konfiansa i impakto. Tambe bo ta duna guia na ehekushon di proyektonan di komunikashon for di kuminsamentu te final: for di konsepto i planifikashon te evaluashon i adaptashon.
Banda di esaki bo ta mantené kontakto estrecho ku periodistanan, organisashonnan sosial i partnernan di kolaborashon, i bo ta kontribuí aktivamente na un estilo atministrativo habrí i transparente. Bo ta yuda koleganan den e servisionan di gobièrnu pa fortifiká nan komunikashon strukturalmente i pa haña un tono komun ku ta kuadra ku Boneiru su balornan i su vishon pa futuro.
Loke nos ta ofresé bo
Na Entidat Públiko Boneiru nos ta haña apresio importante. Bo ta ripará esaki na bo sitio di trabou, pero tambe den e rekompensa ku bo ta haña pa bo trabou. E salario regular pa e funshon akí ta kai den eskala 12 i ta sòru pa un salario di minimalmente $ 5070,- i maksimalmente $ 5920,- pa luna. Banda di esaki bo por konta ku:
• Sèn di vakansi di 8,33%;
• Un ‘13ᵉ maand’ kompleto;
• 168 ora di vèrlòf i 5 dia èkstra di vèrlòf stipulá adelantá;
• Un areglo di penshun ekselente;
• Un siman di trabou fultaim di 36 ora;
• Un nombrashon di 1 aña. Den kaso di satisfakshon mutuo tin un opshon pa un relashon vast di trabou.
E salario ta a base di bo formashon, eksperensia i abilidat. Repartishon di bo siman di trabou ta fleksibel i lo keda stipulá den konsulta ku bo hefe. Banda di esaki nos tin algun kondishon laboral sekundario atraktivo, tokante kua gustosamente nos ta konta bo mas durante bo prosedura di solisitut!
Kiko ta e eksigensianan
Nos ta buskando un konsehero konektivo, pashoná i representativo ku por hiba nos komunikashon den direkshon di nos siudadanonan na un nivel nobo. Esaki ta enserá ku bo ta disponé di:
- Bo tin un formashon akadémiko (WO) kompletá den komunikashon, relashonnan públiko òf un área profeshonal komparabel;
- Bo tin por lo ménos 5 aña di eksperensia den e ròl akí den un ambiente atministrativo i/òf stratégiko, bo tin eksperensia komprobabel ku komunikashon di krísis i ku medionan di komunikashon;
- Bo tin un sentido pa loke ta pasando den e konteksto polítiko i atministrativo, bo sa kon pa pone interesnan bon den balansa i bo ta aktua ku koutela i takto. Bo ta duna hopi balor na diskresia i integridat;
- Bo tin afinidat ku komunidat boneriano, bo tin konosementu di e konteksto kultural i bo ta konosí ku e oportunidatnan i desafionan;
- Banda i un bon dominio di hulandes i papiamentu (verbalmente i por eskrito), bo ta dominá ingles i spañó tambe.
- Bo ta dispone di bon abilidat digital, di manera ku bo mes ta apto pa produsí ‘visual’, video (kòrtiku) i potrèt (editá).
Loke ta importante tambe pa sa
• Un assessment ta forma parti di e prosedura di solisitut;
• Bo mester por entregá un deklarashon tokante kondukta (VOG).
Sí! Mi ke e trabou akí
Nos ta anhelá pa risibí bo solisitut. Manda bo CV huntu ku bo motivashon promé ku 5 di desèmber na solliciteren@bonairegov.com. Bo por dirigí esaki na Kolegio Ehekutivo na atenshon di departamento di Personal i Organisashon (P&O). Nos adrès ta Kaya Aruba 1, Kralendijk, Boneiru.
Bo tin duda ainda òf bo ke mas informashon tokante e funshon? E ora ei tuma kontakto ku ‘Recruitment’ via (+599) 715 5330 òf solliciteren@bonairegov.com. Pa mas informashon tokante Entidat Públiko Boneiru bo por bishitá www.bonairegov.com.
