Office Manager di Direktorado Supervishon i Mantenshon di Lei
Bo ta kla pa un desafio nobo den entidat públiko Boneiru? Nos ta ofresé bo un oportunidat pa desaroyá bo karera mas aleu. Lesa e vakatura interno akí bou i deskubrí kon na un otro manera bo por aportá na nos organisashon!
Kiko bo ta bai hasi?
Bo ta un profeshonal proaktivo i strukturá ku un pashon pa atministrashon i organisashon? Bo ke hunga un ròl klave den dunamentu di sosten na direktorado di Supervishon i Mantenshon di Lei? E ora ei t’abo nos ta buskando! Komo Office Manager bo ta e punto sentral di nos direktorado, responsabel pa un variedat amplio di tarea ku ta kontribuí na un ambiente di trabou efisiente i efektivo. Bo ta duna sosten na e direktorado i e empleadonan, bo ta sòru pa e operashonnan diario kana sin problema i bo ta kontribuí na realisashon di nos metanan riba tereno di maneho interno.
Algun di e tareanan ku bo por verwagt:
• Sosten atministrativo, manera maneho di agènda i korespondensia;
• Yuda ku organisashon di entre otro reunion, maneho di stòk i diseño di ofisina;
• Duna sosten na management pa medio di prepará presentashon i rapòrt i kolektá informashon pa raportahe di management;
• Duna asistensia na momentu di formulashon di informashon di management i responsabilisashon finansiero.
Loke nos ta ofresé bo
Si bo no ta kumpli ku tur e eksigensianan ku ta kuadra ku e funshon akí, nos ta hasi uso di un eskala inisial. Esaki ta eskala 7 i ta trata di minimalmente $ 2520,- i maksimalmente $ 3360,- pa luna. E salario regular pa e funshon akí ta kai den eskala 8 i ta sòru pa un salario di minimalmente $ 2850,- i maksimalmente $ 3810,- pa luna. Banda di esaki bo por konta ku:
• Sèn di vakansi di 8,33%;
• Un ‘13ᵉ maand’ kompleto;
• 168 ora di vèrlòf i 5 dia èkstra di vèrlòf stipulá adelantá;
• Un areglo di penshun ekselente;
• Un siman di trabou fultaim di 36 ora;
• Un nombrashon pa durashon di 1 aña. (Den kaso di satisfakshon mutuo tin un opshon pa un relashon fiho di trabou.)
E salario ta a base di bo formashon, abilidat i eksperensia. Repartishon di bo siman di trabou ta fleksibel i lo keda stipulá den konsulta ku bo hefe. Banda di esei nos tin algun otro kondishon laboral sekundario atraktivo, tokante kua gustosamente nos ta konta bo mas durante bo prosedura di solisitut!
Kiko ta e eksigensianan
• Bo ta traha i pensa na nivel di MBO+, preferibelmente ku un formashon profeshonal kompletá komo Office Manager;
• Minimalmente 2 aña di eksperensia di trabou relevante;
• Konosementu komprobabel di prosesonan atministrativo i kuadronan di maneho i bo por anda den un forma efisiente ku korespondensia funshonal, maneho di dokumento i mantenshon di agènda;
• Abilidat pa komuniká efektivamente, tantu verbal komo por eskrito, ku koleganan i partidonan eksterno;
• Ku enfoke riba kliente, asertivo, puntual, resistente kontra strès i íntegro den andamentu ku informashon konfidensial;
• Kapasidat pa kambia rápidamente di un tópiko pa otro, pa plania tarea, pa pone prioridat i pa logra deadline.
Banda di esakinan e siguiente eksigensianan ta na vigor:
• Abilidat verbal i por eskrito ekselente den hulandes i papiamentu;
• Konosementu di ingles ta un bentaha;
• Abilidat digital ekselente, inkluso konosementu sólido di Microsoft Office (Word, Excel, Outlook).
Loke ta importante tambe pa sa
• Un assessment ta parti di e prosedura di solisitut;
• Bo mester por entregá e diplomanan ku bo a logra i ku ta menshoná den bo CV;
• Bo mester por entregá un deklarashon tokante kondukta (VOG).
Sí! Mi ke e trabou akí
Nos ta anhelá pa risibí bo solisitut. Manda bo CV huntu ku bo motivashon promé ku 11 di yüli 2025 na solliciteren@bonairegov.com. Bo por dirigí esaki na Kolegio Ehekutivo, na atenshon di Departamento di Personal i Organisashon. Nos adrès ta Kaya Aruba 1, Kralendijk, Boneiru.
Bo tin duda ainda òf bo ke haña mas informashon tokante e funshon? E ora ei tuma kontakto ku e konsehero di rekurso humano (HR) Gilvienne Doran via (+599) 715 5330 òf 701 6941.
