Direktor di Planifikashon i Desaroyo

Kiko bo ta bai hasi?

Komo direktor di Planifikashon i Desaroyo bo ta miembro di e tim di direktorado i bo ta duna un aporte aktivo na e dunamentu di direkshon integral di Entidat Públiko Boneiru. A base di e ròl akí bo ta asesorá Kolegio Ehekutico i e sekretario insular tokante problemátikanan stratégiko den e área teritorial i ekonómiko. Direktorado di Planifikashon i Desaroyo ta enfoká riba desaroyo di Boneiru su espasio públiko, ku departamentonan manera Maneho di Espasio Públiko, Maneho i Proyekto, Realisashon, i Asuntunan Ekonómiko. Sostenibilidat ta núkleo di e maneho, ku énfasis riba andamentu kuidadoso ku e rekursonan natural di nos isla.

Den e ròl akí bo ta responsabel pa formulashon i ehekushon di plannan teritorial i di maneho, manera plannan di destinashon i vishonnan struktural, kaminda bo ta mantené tantu naturalesa i medio ambiente komo desaroyo ekonómiko den ekilibrio. Bo ta koordiná e desaroyo teritorial na nos isla den kolaborashon ku vários stakeholder manera munisipionan, provinsianan i partidonan privá. Banda di esaki bo ta duna konseho na gobièrnu i otro organisashonnan tokante problemanan i desaroyonan teritorial, i bo tin responsabilidat final pa kalidat i ehekushon di dunamentu di pèrmit, supervishon i mantenshon di lei riba tereno di ordenamentu teritorial i supervishon di konstrukshon i bibienda den e direktorado.

Banda di e tareanan di desaroyo teritorial, bo ta responsabel pa stimulá i fasilitá Boneiru su desaroyo ekonómiko. For di departamento di Asuntunan Ekonómiko bo ta traha riba fortifikashon i stimulashon di kresementu ekonómiko duradero na nos isla.

Bo abilidatnan fuerte di liderazgo ta hasi posibel pa bo motivá i inspirá e tim, i bo ta asumí un posishon fleksibel pa loke ta trata nesesidat di otronan, miéntras bo ta sigui mantené e enfoke riba solushonnan sostenibel i integral ku ta promové habitabilidat. Bo ta un mènedjer di kambio impulsá pa balor, ku por duna direkshon na individuonan, timnan i e organisashon, kaminda bo ta brinda stabilidat i kaminda bo tin e kapasidat pa implementá kambionan efektivamente. Tambe bo ta monitoreá i evaluá ehekushon di e plannan i proyektonan teritorial, kaminda si esaki ta nesesario, bo ta koregí e direkshon i adaptá e maneho.

Bo sa kon pa señalá tendensianan den ordenamentu teritorial i konbertí esakinan den maneho i akshonnan stratégiko. Banda di esaki bo ta señalá desaroyonan i oportunidatnan ekonómiko i bo sa kon pa tradusí esakinan den maneho i inisiativanan stratégiko ku ta kontribuí na kresementu ekonómiko i empleo duradero. Komo lider ku determinashon bo ta kapas pa tuma desishon i brinda klaridat na tur stakeholder. Bo abilidat di pensa analítiko ta hasi posibel pa bo komprendé problemanan kompleho i formulá solushonnan stratégiko, miéntras bo abilidat di negosiashon ta krusial pa konkluí destahonan eksitosamente i asumí kolaborashon. Ku abilidatnan komunikativo ekselente i un ret fuerte, bo sa kon pa reakshoná efektivamente riba diferente grupo di enfoke. Bo konosementu organisatorio ta yuda bo komprendé funshonamentu di sektor públiko i atendé ku e desafionan dentro di e área di desaroyo teritorial i ekonómiko.

Informashon adishonal:

Komo direktor bo ta responsabel pa logra ophetivonan operashonal i finansiero, manera ta stipulá den e plan di direktorado di bo direktorado. Bo ta hasi palabrashonnan klarito tokante responsabilidatnan, kompetensianan i mandatonan, inkluyendo responsabilidat di presupuesto, pa realisá e metanan akí. Banda di esaki bo ta fiha palabrashonnan di prestashon den un kontrato di management, dentro di e Siklo di Planifikashon i Kontròl di e organisashon. Anualmente bo ta formulá un plan di direktorado i bo ta raportá periódikamente, tantu por eskrito komo verbalmente, tokante e progreso na e Sekretario Insular.