Kolegio Ehekutivo

Kolegio Ehekutivo ta forma e gobernashon diario di Entidat Públiko Boneiru. Gezaghèber ta presidente di Kolegio Ehekutivo, kaminda e diputadonan tin asiento.

Kolegio Ehekutivo ta sòru pa gobernashon diario di Boneiru. Nan ta prepará dekretonan di Konseho Insular i ehekutá nan. E organisashon públiko bou di guia di e sekretario insular ta duna sosten na Kolegio Ehekutivo.

Kolegio Ehekutivo ta outorisá tambe pa nan mes tuma desishon, manera dunamentu di un pèrmit òf anunsio di sierto medidanan. E diputadonan no ta mará na e direktoradonan den nan funshonamentu i nan ta duna konseho a base di nan kartera ku ta repartí atraves di 3 área. E direktoradonan i departamentonan ta na servisio di tur e diputadonan.