Kódigo di ámtenar

Kódigo di komportashon general

Polítiko i ámtenarnan tin un funshon di ehèmpel den komunidat. For di nan funshon, pero tambe komo siudadano, nan ta tene nan mes na e kódigo di komportashon general aki bou (kódigo di integridat).

1. Integridat
Aktua a base di honestidat, transparensia i konforme lei i reglanan, kaminda ta evitá kada forma di konflikto di interes.

2. Responsabilidat
Karga responsabilidat di su propio akshonnan ku respekto su mes i otronan

3. Rèspèt
Respetá derechonan fundamental di bo próhimo i pará habrí pa su opinion i huisionan.

4. Disiplina
Sea servisial pa komunidat, ehersé bo propio debernan den forma apropiá i segun regla i mustra otronan tambe, unda ta nesesario, riba nan debernan.

5. Koperashon
Koperá ku otro na interes di komunidat i pais i en partikular sali na interes di esnan mas débil den komunidat.

6. Aktitut habrí
Pará habrí pa idea i opinionnan nobo ku por ta benefisioso pa komunidat.