Ta reforsá tambe e posishon di papiamentu na nivel hurídiko i atministrativo. 22 di yanüari 2024 a rekonosé papiamentu na Boneiru bou di Parti III di Karta Oropeo di idioma regional òf idioma di minoria. E rekonosementu akí ta ofresé protekshon i ta promové uso di idioma entre otro riba tereno di enseñansa, kultura, medionan di komunikashon, gobièrnu i e sistema hudisial.
Pa mas informashon tokante e Karta: https://open.overheid.nl/documenten/f8a7cedf-eaa4-417d-98dd-4190ae92e9f1/file
Ku esaki e maneho di idioma di Boneiru ta dirigí su mes riba un sosiedat den kua papiamentu ta keda fuertemente ankrá komo idioma unifikadó, miéntras residentenan ta haña e oportunidat tambe pa desaroyá nan mes den mas idioma. Asina idioma ta kontribuí na unifikashon, oportunidat igual, partisipashon i konservashon di identidat i kultura boneriano.
