Un biaha mas Boneiru a pone un paso importante den fortifikashon di enseñansa di idioma i oportunidat pa sigui enseñansa na nos isla. Dia 7 di yüli 2025 Entidat Públiko Boneiru i tur skol básiko supsidiá na nos isla a firma un deklarashon di intenshon konhunto pa traha huntu riba desaroyo di un método pa Hulandes komo idioma strañero. E firmamentu a koinsidí ku un bishita spesial di dos investigadó ku resientemente a optené nan título di dòktor, Gil-Marie Mercelina i Melissa van der Elst-Koeiman, ku a entregá nan tésis na diputado Nina den Heyer.
Kolaborashon pa enseñansa efektivo di idioma
E deklarashon di intenshon ku nan a firma ta un inisiativa di Entidat Públiko Boneiru den kolaborashon ku kuater direktiva di skol na Boneiru.
Stichting Birgen Maria Onderwijs
Stichting Openbaar Onderwijs Bonaire
Stichting Leren is Leuk
Stichting Ieder Kind een Talent.
E partidonan akí ta uni forsa pa yega na un método pa Hulandes komo idioma strañero ku ta adekuá i duradero. Ku esaki nan ke konektá mihó ku e realidat di idioma di alumnonan boneriano, pa ken hopi biaha hulandes no ta nan idioma materno.
Puntonan importante di salida di e kolaborashon ta:
desaroyá i salbaguardiá un método pa Hulandes komo Idioma strañero ku ta kuadra ku e ophetivonan núkleo aktualisá pa Boneiru (den kolaborashon ku sentro di ekspertisio SLO);
envolvimentu di maestronan, direktivanan di skol, ekspertonan di idioma i otro stakeholdernan;
uso efisiente di e 2.500.000 euro ku a primintí for di e Agènda di Akshon di Pasado di Sklabitut.
E kolaborashon ta suprayá e aspirashon konhunto pa yega na oportunidat igual pa enseñansa pa tur mucha na Boneiru.
Kontribushon sientífiko na enseñansa multilingwe
Na ofisina prinsipal di gobernashon Gil-Marie Mercelina i Melissa van der Elst-Koeiman a entregá nan tésis ku resientemente nan a defendé na diputado Den Heyer. Ámbos sientífiko a hasi nan investigashon dentro di e proyekto di e Organisashon Hulandes pa Investigashon Sientífiko (NWO): ‘Bilingwismo, alfabetisashon i éksito den enseñansa na Hulanda Karibense’, den kolaborashon ku Radboud Universiteit Nijmegen i University of Curacao.
Gil-Marie Mercelina a enfoká riba desaroyo di lesamentu serka mucha di grupo 2, 3 i 4 i el a doktorá dia 8 di yanüari 2025.
Melissa van der Elst-Koeiman a investigá alumnonan di grupo 6, 7 i 8 i el a doktorá dia 12 di yüni 2024.
Bou di guia di prof. dr. Eliane Segers, prof. dr. Ludo Verhoeven i prof. dr. Ronald Severing nan a duna un aporte sientífiko na e konosementu tokante enseñansa multilingwe efektivo den region karibense.
Diputado den Heyer a ekspresá su apresio: ‘Awe nos ta konstruyendo dos brùg akinan: un entre siensia i práktika di enseñansa, i un entre maneho i e ambiente diario di nos alumnonan. Boneiru ta demostrá ku invershon den idioma materno, multilingwismo i oportunidat igual no ta un promesa, pero un tarea konhunto.’
Bonaire heeft opnieuw een belangrijke stap gezet in het versterken van taalonderwijs en onderwijskansen op het eiland. Op 7 juli ondertekenden het Openbaar Lichaam Bonaire (OLB) en álle bekostigde basisscholen op het eiland een gezamenlijke intentieverklaring om samen te werken aan de ontwikkeling van een methode Nederlands als Vreemde Taal (NVT). De ondertekening viel samen met een bijzonder bezoek van twee recent gepromoveerde onderzoekers, Gil-Marie Mercelina en Melissa van der Elst-Koeiman, die hun proefschriften overhandigden aan gedeputeerde Nina den Heyer.
Samenwerking voor effectief taalonderwijs
De ondertekende intentieverklaring is een initiatief van het OLB in samenwerking met de vier onderwijsbesturen op Bonaire:
- Stichting Birgen Maria Onderwijs
- Stichting Openbaar Onderwijs Bonaire
- Stichting Leren is Leuk
- Stichting Ieder Kind een Talent.
Deze partijen bundelen hun krachten om te komen tot een passende en duurzame NVT-methode. Hiermee willen zij beter aansluiten bij de taalrealiteit van Bonairiaanse leerlingen, van wie het Nederlands vaak niet de moedertaal is.
Belangrijke uitgangspunten van de samenwerking zijn:
- ontwikkeling en borging van een NVT-methode die aansluit bij de geactualiseerde kerndoelen voor Bonaire (in samenwerking met expertisecentrum SLO);
- betrokkenheid van leerkrachten, schoolbesturen, taalexperts en andere stakeholders;
- doelmatige inzet van de toegezegde €2.500.000 vanuit de Actieagenda Slavernijverleden.
De samenwerking onderstreept het gezamenlijke streven naar gelijke onderwijskansen voor alle kinderen op Bonaire.
Wetenschappelijke bijdrage aan meertalig onderwijs
Bij het bestuurscollege overhandigden Gil-Marie Mercelina en Melissa van der Elst-Koeiman hun recent verdedigde proefschriften aan gedeputeerde den Heyer.
Beide promovendi deden onderzoek binnen het NWO-project ‘Tweetaligheid, geletterdheid en onderwijssucces in Caribisch Nederland’, in samenwerking met de Radboud Universiteit Nijmegen en de University of Curaçao.
- Gil-Marie Mercelina richtte zich op de leesontwikkeling van jonge kinderen (groep 2-4) en promoveerde op 8 januari 2025.
- Melissa van der Elst-Koeiman onderzocht leerlingen in de bovenbouw (groep 6-8) en promoveerde op 12 juni 2024.
Onder begeleiding van prof. dr. Eliane Segers, prof. dr. Ludo Verhoeven en prof. dr. Ronald Severing leverden zij een wetenschappelijke bijdrage aan de kennis over effectief meertalig onderwijs in de Caribische regio.
Gedeputeerde den Heyer sprak haar waardering uit: “We slaan hier vandaag twee bruggen: een tussen wetenschap en onderwijspraktijk, en een tussen beleid en de leefwereld van onze leerlingen. Bonaire laat zien dat het investeren in moedertaal, meertaligheid en gelijke kansen geen belofte is, maar een gezamenlijke opgave.”
