Gezaghèber di Boneiru a disidí pa sera un parsela na Kaya Maria pa un periodo di seis luna. A tuma e medida akí despues ku a haña un kantidat konsiderabel di droga den e kurá i den e dos kasnan ku tin riba e tereno.
E seramentu ta enserá ku durante seis luna ningun hende no tin mag di drenta den e kurá ni den e kasnan. E desishon akí ta pone un final na e situashon ku a kondusí na perturbashon di òrden públiko i e ta prevení ripitishon.
Gezaghèber ta outorisá pa aktua a base di artíkulo 14a di Lei di Opio 1960, ora ku den un edifisio òf riba un parsela haña droga ku ta destiná pa benta, entrega òf suministro. Seramentu di un edifisio ta un medida atministrativo i no un kastigu. Meta di e medida ta restorashon di òrden públiko i protekshon di siguridat i habitabilidat di e bisindario.
E seramentu ta vigente for di 23 di òktober 2026 i ta dura te 23 di aprel 2027. Durante e periodo akí ta prohibí pa subi riba e parsela i pa drenta den e bibienda.
