Djaluna 23 di mei partidonan di koalishon a bini huntu. A disidí pa bai di akuerdo ku un proposishon di gezaghèber Rijna pa drenta den un trayekto di mediashon. Gezaghèber Rijna a bini ku e proposishon aki na e diputadonan pa kibra e impase ku a surgi despues di votashon riba e dosié di Sunset Beach Resort. A palabrá ku durante di e trayekto akí tur esnan enbolbí lo no komuniká ku prensa (mediastilte) tokante e tópiko aki.
