Entidat Públiko Boneiru ta buskando koleganan nobo ku ta entusiasmá, motivá i inovativo. Abo ta e kolega resiliente pa futuro ku nos ta buska?
Kiko bo ta bai hasi?
Komo Suphefe di departamento di Atministrashon Finansiero bo ta karga responsabilidat pa un atministrashon finansiero ku ta na tempu, konfiabel i transparente. E atministrashon di kreditor, debedor i salario, meskos ku e ‘grootboek’, ta kai bou di bo direkshon direkto. Den e tim bo ta sòru pa struktura, kalidat i koherensia. Abo ta kordiná e trabounan di tur dia, ku bista pa prioridat, progreso i kolaborashon. Mehorashon kontinuo ta sentral. Bo ta salbaguardiá i sigui desaroyá proseduranan konsistente i konkreto, métodonan standarisá di trabou i uso efektivo di sistemanan outomatisá.
Rònt di periodonan di raportahe, bo ta sòru pa un sinkronisashon kuidadoso entre e diferente sup-atministrashonnan. Bo ta hinka balansanan konsolidá i bistanan general di entrada i gastu den otro, i bo ta sòru pa un prosesamentu korekto di mutashon, kobransa i rekonsiliashon, manera aktivonan i saldonan di banko. Bo ta trata eventual bukmentu korektivo, reservashon i pòstnan habrí na tempu i kuidadosamente.
Banda di esaki bo ta duna un aporte a base di kontenido pa loke ta trata raportahe mensual, raportahe pa kada kuartal i raportahe anual. Bo ta analisá i duna splikashon di e sifranan finansiero, i bo ta deliberá tokante esakinan ku gerensia i management, kaminda na un manera klarito bo ta señalá desviashonnan relashoná ku e presupuestonan i pronóstikanan. Bo ta fungi tambe komo konsehero pa e kontroladó i gerensia dan kaso di problemátikanan atministrativo i bo ta duna guia na e akountent eksterno durante kontròl. En breve, un funshon multifasétiko pa un profeshonal finansiero!
Kiko ta e eksigensianan
Pa e funshon akí nos ta verwagt abilidat finansiero i ehekutivo, manera menshoná akí bou:
- Un formashon kompletá di HEAO Ekonomia Empresarial òf SPD (òf un nivel di HBO komparabel);
- Minimalmente 3 aña di eksperensia di trabou riba tereno atministrativo/finansiero, di kua preferibelmente vários aña den un ròl ehekutivo;
- Konosementu komprobabel di e siklo di P&C, inkluso presupuesto, kuenta anual i kontròl interno i konosementu profundo di atministrashon finansiero;
- Konosementu di relashonnan polítiko gubernamental i kapasidat pa funshoná na un manera fleksibel i táktiko. Bo ta ábil den dunamentu di konseho na management i gobièrnu;
- Un estilo natural di liderazgo ku ta hiba hende den kambio, ku enfoke riba kolaborashon i kalidat;
- Kapasidat pa tradusí regulashon den proseduranan práktiko i faktibel.
Pa por traha na Entidat Públiko Boneiru, un eksigensia ta, ku banda di e kondishonnan menshoná akí riba, bo ta kumpli tambe ku loke tin deskribí akí bou:
- Dominio di idioma hulandes, tantu verbal komo por eskrito;
- Bo ta papia papiamentu, òf bo ta dispuesto pa siña esaki dentro di 1 aña;
- Bon abilidat digital.
Loke nos ta ofresé bo
Na Entidat Públiko Boneiru nos ta haña apresio importante. Bo ta ripará esaki na bo sitio di trabou, pero tambe den e rekompensa ku bo ta haña pa bo trabou. E salario regular pa e funshon akí ta kai den eskala11 i ta sòru pa un salario di minimalmente $ 4390 i maksimalmente $ 5240 pa luna. Banda di esaki bo por konta ku:
- Sèn di fakansi di 8,33%;
- Un ‘13ᵉ maand’ kompleto;
- 168 ora di vèrlòf i 5 dia èkstra di vèrlòf stipulá adelantá;
- Un areglo di penshun ekselente;
- Un siman di trabou fultaim di 36 ora;
- Un nombrashon di 1 aña. Den kaso di satisfakshon mutuo tin un opshon pa un relashon di trabou vast.
E salario ta a base di bo formashon, abilidat i eksperensia. Repartishon di bo siman di trabou ta fleksibel i lo keda stipulá den konsulta ku bo hefe. Banda di esei nos tin algun otro kondishon laboral sekundario atraktivo, tokante kua gustosamente nos ta konta bo mas durante bo prosedura di solisitut!
Loke ta importante tambe pa sa
- Un assessment por forma parti di e prosedura di solisitut;
- Bo mester por entregá un deklarashon tokante kondukta (VOG).
Sí! Mi ke e trabou akí
Nos ta anhelá pa risibí bo solisitut. Manda bo CV huntu ku bo motivashon promé ku 6 di novèmber na solliciteren@bonairegov.com.
Bo tin duda ainda òf bo ke haña mas informashon tokante e funshon? E ora ei tuma kontakto ku Recruitment via (+599) 715 5330. Pa mas informashon tokante Entidat Públiko Boneiru bo por bishitá www.bonairegov.com.
