Entidat Públiko Boneiru pa 24 te 36 ora pa siman ta buskando un kolega nobo ku ta entusiasmá, motivá i inovativo. Abo ta e kolega resiliente pa futuro ku nos ta buska?
Kiko bo ta bai hasi?
Komo Ménedjer di Programa Transformashon Digital bo ta duna direkshon na e Tim di Programa Transformashon Digital. Bo ta sòru pa e diferente trayektonan di digitalisashon keda ehekutá den koherensia, i den esaki bo ta vigilá planifikashon, kalidat, kapasidat i budget.
Bo ta koordiná e diferente suptrayektonan, bo ta mantené un bista general di e dependensianan i bo ta señalá problemátikanan i riesgonan na tempu. Bo ta sòru pa un bon sinkronisashon entre e direktoradonan, empleadonan di proyekto i otro partidonan interno i eksterno enbolbí. Kaminda ta nesesario bo ta hasi ahuste pa realisá e resultadonan palabrá.
Banda di esaki bo ta sòru pa raportahenan klarito di progreso. Tur luna bo ta raportá na e Grupo di Direkshon Transformashon Digital i kada kuartal bo ta informá e direktoradonan tokante e progreso, i tokante impakto di e transformashon digital riba nan departamentonan i prosesonan.
Bo ta kontribuí ku digitalisashon di Boneiru for di e fundeshi. Bo ta sigui konstruí riba loke tin kaba: bo ta trese trayektonan ku ta kanando i sistemanan eksistente huntu den un solo programa koherente. Bo no ta hasi esaki bo so, pero huntu ku koleganan di ICT, e direktoradonan i e otro funshonnan den e Tim di Programa.
Kiko ta e eksigensianan
Pa e funshon akí nos ta buskando un ménedjer di programa eksperensiá ku ta mantené un bista general den un ambiente kompleho i ku sa kon pa konektá diferente proyekto, interes i personanan enbolbí ku otro. Bo por yuda pensa riba nivel stratégiko, pero na mes momentu bo ta sòru pa plannan keda ehekutá debidamente i pa resultadonan keda lográ. Bo ta komuniká fásilmente ku diferente nivel den e organisashon i bo sa ki ora bo tin ku ahustá. Banda di esaki bo ta kumpli ku e siguiente eksigensianan:
- Bo ta traha i pensa na nivel di HBO òf WO;
- Bo tin minimalmente 4 aña di eksperensia den un funshon similar;
- Bo tin konosementu di i eksperensia ku maneho di programa i proyekto;
- Bo tin eksperensia ku koordinashon di programa i proyekto kompleho i multidisiplinario;
- Bo por duna direkshon pa loke ta trata planifikashon, progreso, kalidat, kapasidat i budget;
- Bo tin konosementu di relashonnan gubernamental i prosesonan di toma di desishon;
- Bo ta disponé di abilidatnan fuerte riba tereno di komunikashon, dunamentu di konseho i negosiashon;
- Bo ta analítiko, bo enfoke ta riba kalidat i solushon i bo ta fuerte den trahamentu huntu.
- Eksperensia den un organisashon di gobièrnu ta loke nos ta apresia hopi, i tambe konosementu di prosesonan di toma di desishon atministrativo, por ehèmpel via e Tim di Maneho i Kolegio Ehekutivo;
- Eksperensia ku trayektonan di digitalisashon òf ICT ta un bentaha;
- Un sertifikashon den maneho di programa òf proyekto (manera MSP, PRINCE2 òf IPMA) ta un bentaha.
Pa por traha na Entidat Públiko Boneiru, un eksigensia ta, ku banda di e kondishonnan menshoná akí riba, bo ta kumpli tambe ku loke tin deskribí akí bou.
- Bo ta papia i skirbi hulandes bon;
- Bo ta papia papiamentu òf bo ta dispuesto pa siña esaki dentro di un aña;
- Bo por traha bon ku sistemanan digital.
Bo ta rekonosé bo mes den un gran parti di e profil akí, pero bo no ta kumpli ku tur eksigensia? E ora ei tuma kontakto libremente ku Recruitment. Gustosamente nos ta wak bo profil total.
Loke nos ta ofresé bo
Na Entidat Públiko Boneiru nos ta haña apresio importante. Bo ta ripará esaki na bo sitio di trabou, pero tambe den e kondishonnan laboral ku nos ta ofresé. Bo por konta ku:
- Un salario ku ta kuadra ku e funshon, kaminda nos ta tene kuenta ku bo konosementu i eksperensia relevante;
- Sèn di fakansi di 8,33%;
- Un ‘13ᵉ maand’ kompleto;
- 168 ora di vèrlòf pa aña den kaso di un siman di trabou di 36 ora, i 5 dia èkstra di vèrlòf stipulá adelantá;
- Un areglo di penshun ekselente;
- Un siman di trabou di minimalmente 24 ora i maksimalmente 36 ora, kaminda den konsulta ta stipulá e kantidat di ora;
- Un nombramentu a base di proyekto ku un durashon di minimalmente 1 aña.
E salario ta a base di bo formashon, abilidat i eksperensia. Repartishon di bo siman di trabou ta fleksibel i lo keda stipulá den konsulta ku bo hefe. Banda di esei nos tin algun otro kondishon laboral sekundario atraktivo, tokante kua gustosamente nos ta konta bo mas durante bo prosedura di solisitut!
Loke ta importante tambe pa sa
- Un assessment ta forma parti di e prosedura di solisitut;
- Bo mester por entregá e diplomanan ku bo a logra, i ku ta menshoná den bo CV;
- Bo mester por entregá un deklarashon tokante kondukta (VOG).
Sí! Mi ke e trabou akí
Nos ta anhelá pa risibí bo solisitut. Manda bo CV huntu ku bo motivashon promé ku 6 di novèmber na solliciteren@bonairegov.com.
Bo tin duda ainda òf bo ke haña mas informashon tokante e funshon? E ora ei tuma kontakto ku Recruitment via (+599) 715 5330. Pa mas informashon tokante Entidat Públiko Boneiru bo por bishitá www.bonairegov.com.
