Entidat Públiko Boneiru pa 0,6 fte ta buskando un kolega nobo ku ta entusiasmá, motivá i inovativo. Abo ta e kolega resiliente pa futuro ku nos ta buska?
Kiko bo ta bai hasi?
Komo Cybersecurity-consultant (Kònsùltent di Siguridat Sibernètiko) bo ta duna un aporte importante na fortifikashon di siguridat di informashon den Entidat Públiko Boneiru. Bo ta ehekutá e BIO pre-check (ouditoria) ku ainda ta habrí i bo ta identifiká na unda e organisashon ta pará pa loke ta trata e kuadro di norma di BIO, ku Entidat Públiko Boneiru ta usa komo punto di salida.
A base di esaki bo ta sostené e CISO (e hefe di siguridat di informashon) ku implementashon real di e medidanan di siguridat i mekanismonan di kontròl nesesario. Bo ta yuda tradusí e eksigensianan di siguridat den medidanan konkreto i bo ta duna sosten na momentu di hasi komprobabel ku e medidanan akí a keda strukturá den e organisashon i ku nan ta keda apliká.
Den esaki bo ta traha estrechamente huntu ku e CISO i otro empleadonan enbolbí den e Tim di Programa Transformashon Digital.
E resultadonan di e pre-check ta forma e base pa e pasonan di kontinuashon ku bo ta pone huntu ku e CISO, sinkronisá ku magnitut i posibilidatnan di Entidat Públiko Boneiru.
Kiko ta e eksigensianan
Pa e funshon akí nos ta buskando un profeshonal di siguridat sibernétiko ku no solamente por señalá e riesgonan i fayonan, pero ku prinsipalmente sa kon mester implementá eksigensianan di siguridat den práktika. Bo ta traha kuidadosamente i analítikamente i bo por tradusí problemátikanan di siguridat kompleho den medidanan konkreto i ehekutabel. Banda di esaki bo ta kumpli ku e siguiente eksigensianan:
- Bo ta disponé di un formashon kompletá na nivel di HBO den un direkshon relevante (manera siensia di kòmpiuter, ICT òf siguridat);
- Bo tin minimalmente 3 aña di eksperensia di trabou relevante den siguridat sibernétiko i/òf siguridat di informashon;
- Bo tin konosementu komprobabel di siguridat di informashon i medidanan di siguridat;
- Bo tin konosementu di i preferibelmente eksperensia ku e kuadro di norma di BIO;
- Bo tin eksperensia ku ouditoria, security assessments i/òf problemátikanan di ‘compliance’;
- Bo por tradusí eksigensia di siguridat den mekanismonan di kontròl konkreto i ehekutabel;
- Bo ta disponé di kapasidat analítiko fuerte i bo ta traha minusiosamente i strukturá;
- Bo ta komunikativamente fuerte i bo ta traha fásilmente huntu ku diferente disiplina.
- Eksperensia den un organisashon di gobièrnu ta algu ku nos ta apresiá hopi, preferibelmente ku eksperensia den aplikashon di e kuadro di norma di BIO den un konteksto gubernamental;
- Un sertifikashon riba tereno di siguridat di informashon òf ouditoria (manera ISO 27001 Lead Implementer/Lead Auditor òf CISA) ta un bentaha.
Pa por traha na Entidat Públiko Boneiru, un eksigensia ta, ku banda di e kondishonnan menshoná akí riba, bo ta kumpli tambe ku loke tin deskribí akí bou.
- Bo ta papia i skirbi hulandes bon;
- Bo ta papia papiamentu òf bo ta dispuesto pa siña esaki dentro di un aña;
- Bo por traha bon ku sistemanan digital.
Bo ta rekonosé bo mes den un gran parti di e profil akí, pero bo no ta kumpli ku tur eksigensia? E ora ei tuma kontakto libremente ku Recruitment. Gustosamente nos ta wak bo profil total.
Loke nos ta ofresé bo
Na Entidat Públiko Boneiru nos ta haña apresio importante. Bo ta ripará esaki na bo sitio di trabou, pero tambe den e kondishonnan laboral ku nos ta ofresé. Bo por konta ku:
- Un salario ku ta kuadra ku e funshon, kaminda nos ta tene kuenta ku bo konosementu i eksperensia relevante;
- Sèn di fakansi di 8,33%;
- Un ‘13ᵉ maand’ kompletu;
- 100,8 ora di vèrlòf i 5 dia èkstra di vèrlòf stipulá adelantá;
- Un areglo di penshun ekselente;
- Un siman di trabou di 21,6 ora;
- Un nombramentu a base di proyekto ku un durashon di minimalmente 1 aña.
E salario ta a base di bo formashon, abilidat i eksperensia. Repartishon di bo siman di trabou ta fleksibel i lo keda stipulá den konsulta ku bo hefe. Banda di esei nos tin algun otro kondishon laboral sekundario atraktivo, tokante kua gustosamente nos ta konta bo mas durante bo prosedura di solisitut!
Loke ta importante tambe pa sa
- Un assessment ta forma parti di e prosedura di solisitut;
- Bo mester por entregá e diplomanan ku bo a logra, i ku ta menshoná den bo CV;
- Bo mester por entregá un deklarashon tokante kondukta (VOG).
Sí! Mi ke e trabou akí
Nos ta anhelá pa risibí bo solisitut. Manda bo CV huntu ku bo motivashon promé ku 5 di novèmber na solliciteren@bonairegov.com.
Bo tin duda ainda òf bo ke haña mas informashon tokante e funshon? E ora ei tuma kontakto ku Recruitment via (+599) 715 5330. Pa mas informashon tokante Entidat Públiko Boneiru bo por bishitá www.bonairegov.com.
