Entidat Públiko Boneiru pa 0,6 fte ta buskando un kolega nobo ku ta entusiasmá, motivá i inovativo. Abo ta e kolega resiliente pa futuro ku nos ta buska?
Kiko bo ta bai hasi?
Komo Chief Information Security Officer (CISO) – (Hefe di Siguridat di Informashon) bo ta responsabel pa siguridat di informashon i e maneho di riesgo korespondiente dentro di e transformashon digital di Entidat Públiko Boneiru. Bo ta vigilá aplikashon di e kuadro di normanan di BIO (ku Entidat Públiko Boneiru ta usa komo punto di salida pa maneho) i bo ta sòru pa riesgonan di siguridat ta keda identifiká, evaluá i atendé na tempu.
Bo ta supervisá e státùs di siguridat i ‘compliance’, i bo ta duna konseho tokante medidanan di mehorashonnan nesesario. Bo ta identifiká i raportá mesora ora tin kestion di insidente di siguridat relevante i bo ta traha estrechamente huntu ku e Grupo di Direkshon Transformashon Digital.
Banda di esaki bo ta traha estrechamente huntu ku entre otro e Kònsùltent di Siguridat Sibernétiko na momentu di fortifikashon i implementashon mas aleu di siguridat di informashon den e organisashon.
Bo ta skohe e medidanan ku ta kuadra ku magnitut i posibilidatnan di Entidat Públiko Boneiru: ta trata di pasonan padilanti ku ta faktibel i komprobabel, den kolaborashon ku e Kònsùltent di Siguridat Sibernétiko i e Grupo di Direkshon Transformashon Digital.
Kiko ta e eksigensianan
Pa e funshon akí nos ta buskando un profeshonal sólido i independiente ku por aserká siguridat di informashon a base di un perspektiva ku ta kubri henter e organisashon. Bo por husga riesgo bon, pone prioridat i konsehá management i gobièrnu na un manera klarito. Den esaki bo tin kurashi pa ta krítiko ora esaki ta nesesario i na mes momentu bo sa kon pa krea sosten pa medidanan apropiá di siguridat. Banda di esaki bo ta kumpli ku e siguiente eksigensianan:
- Bo ta disponé di un formashon kompletá na nivel di HBO+/WO den un direkshon relevanta (manera siensia di kòmpiuter, siguridat di informashon òf siensia di informashon atministrativo);
- Bo tin minimalmente 5 aña di eksperensia di trabou relevante den siguridat di informashon;
- Bo tin konosementu komprobabel di siguridat di informashon i maneho di riesgo;
- Bo tin konosementu di e kuadro di norma di BIO (òf kuadronan di norma komparabel manera ISO 27001);
- Bo tin eksperensia ku ‘security governance’ i ‘compliance’, i ku husgamentu i dominio di riesgonan di informashon;
- Bo por konsehá management i gobièrnu na un manera klarito tokante siguridat di informashon i riesgo;
- Bo por aktua adekuadamente i duna konseho na momentu di insidente di siguridat;
- Bo ta analítiko, independiente, kuidadoso i sensitivo pa organisashon;
- Bo ta disponé di abilidatnan ekselente di dunamentu di konseho i di komunikashon.
- Eksperensia den un organisashon di gobièrnu ta algu ku nos ta apresiá hopi, preferibelmente ku eksperensia den aplikashon di e kuadro di norma di BIO den un konteksto gubernamental;
- Un sertifikashon riba tereno di siguridat di informashon (manera CISM, CISSP òf ISO 27001 Lead Implementer/Lead Auditor) ta un bentaha.
Pa por traha na Entidat Públiko Boneiru, un eksigensia ta, ku banda di e kondishonnan menshoná akí riba, bo ta kumpli tambe ku loke tin deskribí akí bou.
- Bo ta papia i skirbi hulandes bon;
- Bo ta papia papiamentu òf bo ta dispuesto pa siña esaki dentro di un aña;
- Bo por traha bon ku sistemanan digital.
Bo ta rekonosé bo mes den un gran parti di e profil akí, pero bo no ta kumpli ku tur eksigensia? E ora ei tuma kontakto libremente ku Recruitment. Gustosamente nos ta wak bo profil total.
Loke nos ta ofresé bo
Na Entidat Públiko Boneiru nos ta haña apresio importante. Bo ta ripará esaki na bo sitio di trabou, pero tambe den e kondishonnan laboral ku nos ta ofresé. Bo por konta ku:
- Un salario ku ta kuadra ku e funshon, kaminda nos ta tene kuenta ku bo konosmentu i eksperensia relevante.
- Sèn di fakansi di 8,33%;
- Un ‘13ᵉ maand’;
- 100,8 ora di vèrlòf i 5 dia èkstra di vèrlòf stipulá adelantá;
- Un areglo di penshun ekselente;
- Un siman di trabou di 21,6 ora;
- Un nombramentu a base di proyekto pa durashon di minimalmente 1 aña.
E salario ta a base di bo formashon, abilidat i eksperensia. Repartishon di bo siman di trabou ta fleksibel i lo keda stipulá den konsulta ku bo hefe. Banda di esei nos tin algun otro kondishon laboral sekundario atraktivo, tokante kua gustosamente nos ta konta bo mas durante bo prosedura di solisitut!
Loke ta importante tambe pa sa
- Un assessment ta forma parti di e prosedura di solisitut;
- Bo mester por entregá e diplomanan ku bo a logra, i ku ta menshoná den bo CV;
- Bo mester por entregá un deklarashon tokante kondukta (VOG).
Sí! Mi ke e trabou akí
Nos ta anhelá pa risibí bo solisitut. Manda bo CV huntu ku bo motivashon promé ku 5 di novèmber na solliciteren@bonairegov.com.
Bo tin duda ainda òf bo ke haña mas informashon tokante e funshon? E ora ei tuma kontakto ku Recruitment via (+599) 715 5330. Pa mas informashon tokante Entidat Públiko Boneiru bo por bishitá www.bonairegov.com.
