Entidat Públiko Boneiru pa 1 fte ta buskando un kolega nobo ku ta entusiasmá, motivá i inovativo. Abo ta e kolega resiliente pa futuro ku nos ta buska?
Kiko bo ta bai hasi?
Komo Enterprise Architect bo ta vigilá e vishon arkitektóniko i e puntonan di salida pa e strukturashon digital di Entidat Públiko Boneiru. Bo ta sòru pa koherensia entre e diferente sistemanan i bo ta prevení ku direktoradonan òf departamentonan separadamente ta skohe un propio direkshon tékniko.
Den esaki bo ta wak entre otro e koherensia entre sistemanan manera JOIN , WIND, DDS i Key2Fin. Huntu ku e Business-analist bo ta tradusí e vishon, e mishon i e nesesidatnan di e direktoradonan den un arkitektura-meta koherente. Ku esaki bo ta sòru pa kuadronan kla, dentro di kua por desaroyá i ehekutá e transformashon digital mas aleu.
Bo ta traha na un manera pragmátiko: bo ta sigui konstruí riba e sistemanan eksistente i bo ta skohe e kuadronan ku ta pas serka eskala i posibilidatnan di Entidat Públiko Boneiru. Na momentu di desaroyá arkitektura, kaminda esaki ta relevante, bo ta hasi uso di modelonan di referensia i standartenan eksistente, manera GEMMA.
Kiko ta e eksigensianan
Pa e funshon akí nos ta buskando un hende ku ta wak mas leu ku sistemanan separá i ku semper ta tene kuenta ku e paisahe total di ICT. Bo por komprendé problemátikanan tékniko i organisatorio kompleho i tradusí esakinan den kuadronan klarito di arkitektura. Den esaki bo sa kon pa pone konekshon entre ambishonnan di e organisashon i e strukturashon tékniko ku ta nesesario pa esaki. Banda di esaki bo ta kumpli ku e siguiente eksigensianan:
- Bo ta disponé di un formashon kompletá riba nivel di HBO den un direkshon relevante (manera siensia di kòmpiuter òf siensia di kòmpiuter dirigí riba atministrashon di empresa);
- Bo tin minimalmente 5 aña di eksperensia di trabou relevante;
- Bo tin konosementu i eksperensia komprobabel di/ku arkitektura ‘enterprise’;
- Bo tin konosementu di paisahenan di ICT i di e koherensia entre sistema i aplikashon;
- Bo por tradusí metanan di organisashon i nesesidatnan di informashon den prinsipionan di arkitektura i un arkitektura-meta;
- Bo por vigilá kuadronan den henter e organisashon i konektá diferente interes ku otro;
- Bo ta disponé di un kapasidat analítiko i konseptual fuerte;
- Bo ta komunikativamente fuerte i bo por traha bon huntu ku stakeholdernan tékniko i no-tékniko.
- Eksperensia den un organisashon di gobièrnu nos ta apresiá hopi, i tambe konosementu di prosesonan atministrativo i servisio públiko;
- Konosementu di arkitekturanan di referensia relevante, manera GEMMA, ta un bentaha;
- Un sertifikashon di arkitektura (manera TOGAF òf ArchiMate) ta un bentaha.
Pa por traha na Entidat Públiko Boneiru, un eksigensia ta, ku banda di e kondishonnan menshoná akí riba, bo ta kumpli tambe ku loke tin deskribí akí bou.
- Bo ta papia i skirbi hulandes bon;
- Bo ta papia papiamentu òf bo ta dispuesto pa siña esaki dentro di un aña;
- Bo por traha bon ku sistemanan digital.
Bo ta rekonosé bo mes den un gran parti di e profil akí, pero bo no ta kumpli ku tur eksigensia? E ora ei tuma kontakto libremente ku Recruitment. Gustosamente nos ta wak bo profil total.
Loke nos ta ofresé bo
Na Entidat Públiko Boneiru nos ta haña apresio importante. Bo ta ripará esaki na bo sitio di trabou, pero tambe den e kondishonnan laboral ku nos ta ofresé. Bo por konta ku:
- Un salario ku ta kuadra ku e funshon, kaminda nos ta tene kuenta ku bo konosementu i eksperensia relevante;
- Sèn di fakansi di 8,33%;
- Un ‘13ᵉ maand’ kompleto;
- 168 ora di vèrlòf i 5 dia èkstra di vèrlòf stipulá adelantá;
- Un areglo di penshun ekselente;
- Un siman di trabou fultaim di 36 ora;
- Un nombramentu a base di proyekto ku un durashon di minimalmente 1 aña.
E salario ta a base di bo formashon, abilidat i eksperensia. Repartishon di bo siman di trabou ta fleksibel i lo keda stipulá den konsulta ku bo hefe. Banda di esei nos tin algun otro kondishon laboral sekundario atraktivo, tokante kua gustosamente nos ta konta bo mas durante bo prosedura di solisitut!
Loke ta importante tambe pa sa
- Un assessment ta forma parti di e prosedura di solisitut;
- Bo mester por entregá e diplomanan ku bo a logra, i ku ta menshoná den bo CV;
- Bo mester por entregá un deklarashon tokante kondukta (VOG).
Sí! Mi ke e trabou akí
Nos ta anhelá pa risibí bo solisitut. Manda bo CV huntu ku bo motivashon promé ku 6 di novèmber na solliciteren@bonairegov.com.
Bo tin duda ainda òf bo ke haña mas informashon tokante e funshon? E ora ei tuma kontakto ku Recruitment via (+599) 715 5330. Pa mas informashon tokante Entidat Públiko Boneiru bo por bishitá www.bonairegov.com.
