Entidat Públiko Boneiru pa 1fte ta buskando un kolega nobo ku ta entusiasmá, motivá i inovativo. Abo ta e kolega resiliente pa futuro ku nos ta buska?
Kiko bo ta bai hasi?
Komo Analista di Empresa (Business-analist) bo ta identifiká vishon, mishon, nesesidatnan i deseonan di e diferente direktoradonan den Entidat Públiko Boneiru. Bo ta analisá kiko e organisashon tin mester i bo ta tradusí esaki den eksigensianan konkreto i usabel pa e transformashon digital.
Den esaki bo ta traha estrechamente huntu ku Enterprise Architect, di manera ku e nesesidatnan for di e organisashon ta konektá bon ku e futuro strukturashon digital i ku deskripshon di e situashon deseá (doelarchitectuur). Den esaki bo ta move riba nivel atministrativo i bo ta forma e konekshon entre e organisashon, su prosesonan i e elaborashon tékniko.
Bo ta enbolbí for di komienso di e programa i bo ta yuda pèrkurá pa e solushonnan di digitalisashon ta konektá debidamente ku loke e direktoradonan tin mester di dje.
Bo ta papia ku e direktoradonan i bo ta tradusí loke nan tin mester den eksigensianan pa e transformashon digital, di manera ku eskohonan pa sistemanan i prosesonan ta bon supstansiá.
Kiko ta e eksigensianan
Pa e funshon akí nos ta buskando un profeshonal ku ta analítikamente fuerte i ku por skucha bon kiko nos organisashon tin mester di dje, i ku por tradusí esaki den eksigensianan konkreto i usabel. Bo por kambia fásilmente entre strategia, operashon empresarial i ICT, i bo ta sinti bo kómodo den kòmbersashon riba nivel di management i gobernashon. Den esaki bo ta kapas pa pone diferente interes serka otro, sin pèrdè e meta final for di bista. Banda di esaki bo ta kumpli ku e siguiente eksigensianan:
- Bo ta disponé di un formashon kompletá riba nivel di HBO den un direkshon relevante (manera atministrashon di empresa, atministrashon públiko òf siensia di informashon);
- Bo tin minimalmente 3 aña di eksperensia di trabou relevante komo Business-analist òf den un funshon komparabel;
- Bo tin eksperensia ku análisis di prosesonan i nesesidatnan di un organisashon, i di problemátikanan di informashon;
- Bo por tradusí vishon, mishon i metanan di un organisashon den eksigensianan konkreto;
- Bo tin konosementu di e konekshon entre prosesonan operashonal, suministro di informashon i ICT;
- Bo por funshoná efektivamente riba nivel gubernamental i stratégiko;
- Bo ta disponé di abilidatnan analítiko i komunikativo ekselente;
- Bo ta sensitivo pa organisashon i bo sa kon pa konektá diferente interes i nesesidat ku otro.
- Eksperensia den un organisashon di gobièrnu ikonosementu den prosesonan atministrativo i servisio na públiko tin nos apresio;
- Eksperensia ku formulashon di konseho di maneho òf konseho na gobièrnu ta un bentaha;
- Un sertifikashon riba tereno di análisis empresarial òf análisis di informashon (manera CBAP òf BiSL) ta un bentaha.
Pa por traha na Entidat Públiko Boneiru, un eksigensia ta, ku banda di e kondishonnan menshoná akí riba, bo ta kumpli tambe ku loke tin deskribí akí bou.
- Bo ta papia i skirbi hulandes bon;
- Bo ta papia papiamentu òf bo ta dispuesto pa siña esaki dentro di un aña;
- Bo por traha bon ku sistemanan digital.
Bo ta rekonosé bo mes den un gran parti di e profil akí, pero bo no ta kumpli ku tur eksigensia? E ora ei tuma kontakto libremente ku Recruitment; gustosamente nos ta wak bo profil total.
Loke nos ta ofresé bo
Na Entidat Públiko Boneiru nos ta haña apresio importante. Bo ta ripará esaki na bo sitio di trabou, pero tambe den e kondishonnan laboral ku nos ta ofresé. Bo por konta ku:
- Un salario ku ta kuadra ku e funshon, kaminda nos ta tene kuenta ku bo konosementu i eksperensia relevante;
- Sèn di fakansi di 8,33%;
- Un ‘13ᵉ maand’ kompleto;
- 168 ora di vèrlòf i 5 dia èkstra di vèrlòf stipulá adelantá;
- Un areglo di penshun ekselente;
- Un siman di trabou fultaim di 36 ora;
- Un nombramentu a base di proyekto ku un durashon di minimalmente 1 aña.
E salario ta a base di bo formashon, abilidat i eksperensia. Repartishon di bo siman di trabou ta fleksibel i lo keda stipulá den konsulta ku bo hefe. Banda di esei nos tin algun otro kondishon laboral sekundario atraktivo, tokante kua gustosamente nos ta konta bo mas durante bo prosedura di solisitut!
Loke ta importante tambe pa sa
- Un assessment ta forma parti di e prosedura di solisitut;
- Bo mester por entregá e diplomanan ku bo a logra, i ku ta menshoná den bo CV;
- Bo mester por entregá un deklarashon tokante kondukta (VOG).
Sí! Mi ke e trabou akí
Nos ta anhelá pa risibí bo solisitut. Manda bo CV huntu ku bo motivashon promé ku 5 di novèmber na solliciteren@bonairegov.com.
Bo tin duda ainda òf bo ke haña mas informashon tokante e funshon? E ora ei tuma kontakto ku Recruitment via (+599) 715 5330. Pa mas informashon tokante Entidat Públiko Boneiru bo por bishitá www.bonairegov.com.
