Entidat Públiko Boneiru pa 0,8 fte ta buskando un kolega nobo ku ta entusiasmá, motivá i inovativo. Abo ta e kolega resiliente pa futuro ku nos ta buska?
Kiko bo ta bai hasi?
Komo Analista di Dato (Data-analist) bo ta sòru pa e datonan den e programa ta konfiabel, kompletu i usabel. Bo ta okupá bo mes ku análisis, limpiesa i migrashon di informashon for di diferente sistema, entre otro JOIN.
Bo ta vigilá kalidat di e datonan i bo ta sòru pa un registrashon konsistente di informashon i ‘metadata’ (dato tokante dato). Bo ta señalá desviashon i datonan inkompletu i inkonsistente, i bo ta kontribuí na solushon di esakinan.
Ku bo trabou bo ta pone un ‘databasis’ konfiabel pa dashboard, raportahe i informashon di direkshon i ahuste, di manera ku e organisashon por traha ku informashon aktual i kualitativamente bon.
Bo ta kolaborá ku digitalisashon di Boneiru for di e fundeshi. Bo ta enfoká riba limpiesa, mehorashon, migrashon i análisis di dato i den esaki bo ta traha estrechamente huntu ku ICT i e direktoradonan enbolbí.
Kiko ta e eksigensianan
Pa e funshon akí nos ta buskando un hende ku ta gusta bai den profundidat ku dato i ku tin bista pa kalidat, struktura i detaye. Bo ta komprendé ku dato konfiabel ta esensial pa bon raportahe i toma di desishon, i bo ta haña importante pa informashon ta keda registrá na un manera korekto, kompletu i konsistente. Bo ta traha minusiosamente i pa bo ta un plaser pa investigá fayo i inkonsistensia i solushoná esakinan. Banda di esaki bo ta kumpli ku e siguiente eksigensianan:
- Bo ta disponé di un formashon kompletá na nivel di HBO den un direkshon relevante (manera siensia di kòmpiuter, análisis di dato òf atministrashon di empresa);
- Bo tin minimalmente 3 aña di eksperensia riba tereno di análisis di dato, kalidat di dato i/òf migrashon di dato;
- Bo tin eksperensia ku análisis, limpiesa i migrashon di kolekshon di dato (datasets);
- Bo tin konosementu di kalidat di dato i ‘metadata’ (dato tokante dato);
- Bo por rekonosé i analisá inkonsistensia i fayo den informashon;
- Bo ta traha minusiosamente, strukturá i ku enfoke riba kalidat;
- Bo ta disponé di un kapasidat analítiko fuerte;
- Bo por traha bon huntu ku spesialistanan di ICT i usuarionan for di e organisashon.
- Eksperensia den un organisashon di gobièrnu nos ta apresiá hopi;
- Un sertifikashon òf formashon riba tereno di maneho di dato òf kalidat di dato (manera DAMA CDMP) ta un bentaha.
Pa por traha na Entidat Públiko Boneiru, un eksigensia ta, ku banda di e kondishonnan menshoná akí riba, bo ta kumpli tambe ku loke tin deskribí akí bou.
- Bo ta papia i skirbi hulandes bon;
- Bo ta papia papiamentu òf bo ta dispuesto pa siña esaki dentro di un aña;
- Bo por traha bon ku sistemanan digital.
Bo ta rekonosé bo mes den un gran parti di e profil akí, pero bo no ta kumpli ku tur eksigensia? E ora ei tuma kontakto libremente ku Recruitment. Gustosamente nos ta wak bo profil total.
Loke nos ta ofresé bo
Na Entidat Públiko Boneiru nos ta haña apresio importante. Bo ta ripará esaki na bo sitio di trabou, pero tambe den e kondishonnan laboral ku nos ta ofresé. Bo por konta ku:
- Un salario ku ta kuadra ku e funshon, kaminda nos ta tene kuenta ku bo konosementu i eksperensia relevante;
- Sèn di fakansi di 8,33%;
- Un ‘13ᵉ maand’ kompletu;
- 134,4 ora di vèrlòf i 5 dia èkstra di vèrlòf stipulá adelantá;
- Un areglo di penshun ekselente;
- Un siman di trabou di 28,8 ora;
- Un nombramentu a base di proyekto ku un durashon di minimalmente 1 aña.
E salario ta a base di bo formashon, abilidat i eksperensia. Repartishon di bo siman di trabou ta fleksibel i lo keda stipulá den konsulta ku bo hefe. Banda di esei nos tin algun otro kondishon laboral sekundario atraktivo, tokante kua gustosamente nos ta konta bo mas durante bo prosedura di solisitut!
Loke ta importante tambe pa sa
- Un assessment ta forma parti di e prosedura di solisitut;
- Bo mester por entregá e diplomanan ku bo a logra, i ku ta menshoná den bo CV;
- Bo mester por entregá un deklarashon tokante kondukta (VOG).
Sí! Mi ke e trabou akí
Nos ta anhelá pa risibí bo solisitut. Manda bo CV huntu ku bo motivashon promé ku 6 novèmber na solliciteren@bonairegov.com.
Bo tin duda ainda òf bo ke haña mas informashon tokante e funshon? E ora ei tuma kontakto ku Recruitment via (+599) 715 5330. Pa mas informashon tokante Entidat Públiko Boneiru bo por bishitá www.bonairegov.com.
