Habri un negoshi di eiskrim

Un negoshi di eiskrim ta un negoshi kaminda bo ta bende eiskrim i produkto similar pa konsumo den e establesimentu mes. Bo por bende bibida sin alkohòl tambe pa konsumo den e negoshi di eiskrim.
Un negoshi di eiskrim ta un kompania di horeca i ta kai bou di e reglanan pa kompania na Boneiru.

Kiko e produkto òf servisio aki ta nifiká?

Bo por habri un negoshi di eiskrim solamente si bo tin tur pèrmit.
Sòru pa bo tin un pèrmit di establesimentu (vestigingsvergunning) promé ku bo kuminsá.
Bo por tin mester di un pèrmit di bibida i horeca tambe, dependiendo di bo aktividatnan.

Ki ora bo por pidi esaki?

Bo mester:

ta inskribí na Kámara di Komèrsio
tin un pèrmit di establesimentu (vestigingsvergunning)
inkluí e dokumentonan korekto den bo aplikashon
ta bibá na Boneiru (den kaso di un negoshi individual)

Por tin mester di otro pèrmit manera un pèrmit di bibida i horeca, si bo ke bende bibida tambe.

Kon bo por pidi esaki?

Kon pa habri un negoshi di eiskrim:

Lanta bo kompania serka un notario (ku eksepshon di negoshi individual).
Inskribí bo kompania na Kámara di Komèrsio Boneiru.
Apliká pa un pèrmit di establesimentu na Direktorado di Planifikashon i Desaroyo (Directie Ruimte en Ontwikkeling – R&O).
Yena e formulario di aplikashon kompleto i inkluí tur dokumento nesesario.
Paga e gastunan i inkluí e komprobante di pago den bo aplikashon.

Despues di entrega bo ta risibí un konfirmashon.
Denter di 8 siman ta prosesá bo pèrmit di establesimentu.
Si esaki no sosodé den 8 siman, outomátikamente e pèrmit ta otorgá.

Ku ken bo por tuma kontakto?

Direktorado di Planifikashon i Desaroyo (R&O)
Adrès: Kaya Amsterdam s/n
Telefòn: (+599) 715 5330
E-mail: directie_ro@bonairegov.com

Orario di servisio
Djaluna te ku djabièrnè: 8:00 - 16:00 or

Kuantu tempu e ta tuma?

Ta prosesá bo petishon di establesimentu denter di 8 siman.
Otro pèrmit ta tuma mas tempu, dependiendo di e tipo di pèrmit.

Kuantu e ta kosta?

Gastu pa habri un negoshi di eiskrim ta dependé di pa kua pèrmit bo ta apliká.

Bo no ta di akuerdo ku e desishon?

Bo no ta di akuerdo ku un desishon?
Bo por entregá un opheshon. E karta ku e desishon ta indiká kon bo por entregá un opheshon i den ki término.

Kiko nos ta hasi ku bo datonan personal?

Si bo entregá un petishon òf mèldu algu, Entidat Públiko Boneiru mester di bo dato personal. Entidat Públiko Boneiru ta atendé bo datonan di forma konfidensial.

Den e Lei Protekshon di dato personal BES tin skirbí kon Entidat Públiko Boneiru mester hasi esaki.

E reglanan mas prinsipal ta :

Entidat Públiko Boneiru ta pidi solamente dato ku mester pa por atendé ku bo petishon òf pa atendé ku loke bo a mèldu.
Nan ta registrá i prosesá bo datonan di forma seif, konfidenshal i kouteloso.
Ta usa bo datonan solamente pa e petishon òf loke bo a mèldu, òf pa algu ku tin direktamente di aber ku esei.
No ta warda bo datonan mas largu di loke ta nesesario pa e petishon òf loke bo a mèldu.
Otro organisashon ta haña bo datonan solamente si esei mester segun lei.
Bo por puntra pa kua fin ta usa bo datonan i kiko ta hasi ku nan.