Bo ta mira ku un hende ta dùmp shushi na un lugá prohibí? Òf bo ta mira ku tin hopi shushi bentá na un lugá kaminda ku nan no ta pertenesé? E ora ei bo por hasi un notifikashon na Entidat Públiko Boneiru. Òf bo mes por hiba e shushi na Selibon. Asina bo ta yuda tene Boneiru limpi i sigur.
Kiko e produkto òf servisio aki ta nifiká?
Ta prohibí pa laga shushi atras den espasio públiko. Shushi bentá ilegalmente por ta dañino pa medio ambiente, salubridat públiko i e ambiente di biba na Boneiru.
Un notifikashon di shushi di dùmp ilegalmente ta trata shushi ku a keda atras na un lugá ku no ta permití.
Por trata di:
- shushi di kas di hende
- shushi di empresa
Dùmp shushi ilegal ta un problema pa medio ambiente i salú di hende. Tambe kayanan i otro fasilidatnan por haña daño pa motibu di shushi ku ta bentá na e lugá robes.
Kon bo por pidi esaki?
Bo ke hasi notifikashon di dùmp shushi ilegal? Esaki por na diferente manera:
- via e formulario di notifikashon online di Direktorado di Supervishon i Mantenshon di lei.
- via e-mail: bisami_th@bonairegov.com
- òf tuma kontakto telefónikamente ku Direktorado di Supervishon i Mantenshon di lei: +599 790 0707
Si bo ta gara un hende ku na e momento ei ta dùmp shushi ilegal, tuma kontakto mesora ku Direktorado di Supervishon i Mantenshon di lei via +599 790 0707.
Kiko nos ta hasi ku bo datonan personal?
Si bo entregá un petishon òf mèldu algu, Entidat Públiko Boneiru mester di bo dato personal. Entidat Públiko Boneiru ta atendé bo datonan di forma konfidensial.
Den e Lei Protekshon di dato personal BES tin skirbí kon Entidat Públiko Boneiru mester hasi esaki.
E reglanan mas prinsipal ta :
- Entidat Públiko Boneiru ta pidi solamente dato ku mester pa por atendé ku bo petishon òf pa atendé ku loke bo a mèldu.
- Nan ta registrá i prosesá bo datonan di forma seif, konfidenshal i kouteloso.
- Ta usa bo datonan solamente pa e petishon òf loke bo a mèldu, òf pa algu ku tin direktamente di aber ku esei.
- No ta warda bo datonan mas largu di loke ta nesesario pa e petishon òf loke bo a mèldu.
- Otro organisashon ta haña bo datonan solamente si esei mester segun lei.
- Bo por puntra pa kua fin ta usa bo datonan i kiko ta hasi ku nan.
