Pa konstruí òf yena playa artifisial ta rekerí un pèrmit di naturalesa (natuurvergunning).
Kiko e produkto òf servisio aki ta nifiká?
Ta permití solamente den kaso di akomodashon di mas ku 100 kamber.
Playa di santu ta mundialmente gustá komo lugá pa relahá i rekreashon. Nan ta atraé tantu turista komo habitante di Boneiru. E playanan di santu natural di Boneiru tin un funshon ekológiko importante tambe, pasó nan ta fungi komo sitio di nèshi pa turtuga.
Konstrukshon di playa artifisial na Boneiru ta permití solamente den kaso di hotèl di mas ku 100 kamber. Ta prohibí pa konstruí playa artifisial na bibienda privá, i pa esaki no por haña pèrmit tampoko.
Prohibishon di konstrukshon sin pèrmit
Ta prohibí pa konstruí playa artifisial sin pèrmit. E reglanan pa protekshon di naturalesa, inkluyendo e prohibishon akí, ta den e Ordenansa Insular pa parke bou di awa Boneiru (Eilandsbesluit Onderwaterpark Bonaire) (2010), Paragraf VIII: https://lokaleregelgeving.overheid.nl/CVDR40370.
Ki ora bo por pidi esaki?
Ta prohibí pa konstruí playa artifisial sin pèrmit.
E kondishonnan ta menshoná den Paragraf VIII wak artíkulo 35 di Ordenansa Insular pa parke bou di awa Boneiru (Eilandsbesluit onderwaterpark Bonaire).
Kon bo por pidi esaki?
Aki bou tin e paso- i kondishonnan pa entregá un aplikashon:
- Entregá aplikashon: bo mester entregá un aplikashon por eskrito pa un pèrmit di naturalesa (natuurvergunning) na Kolegio Ehekutivo (Bestuurscollege) di Entidat Públiko Boneiru (Openbaar Lichaam Bonaire – OLB). Esaki ta e outoridat kompetente.
- Dokumento obligatorio. Inkluí e siguiente dokumentonan huntu ku bo aplikashon:
- Un deskripshon di e proyekto òf aktividatnan pa kua bo ta entregá un aplikashon.
- Informashon tokante posibel efekto di bo proyekto riba naturalesa, manera rapòrt òf estudio di medio ambiente.
- Mapa òf pintura di e área ku ta klarifiká e grandura di e trabounan.
- Informashon adishonal: si falta informashon, Kolegio Ehekutivo (Bestuurscollege) por pidi bo pa entregá informashon adishonal.
Ku ken bo por tuma kontakto?
Pa pregunta, por tuma kontakto via natuurvergunningen@bonairegov.com.
Kuantu tempu e ta tuma?
Kolegio Ehekutivo ta tuma desishon denter di 90 dia despues di risibí e aplikashon tokante otorgashon di e pèrmit òf eksonerashon, despues ku nan pidi konseho na e komishon di maneho di naturalesa di Boneiru (natuurbeheer Bonaire). Lesa mas tokante e komishon akí den artíkulo 3 di Ordenansa Insular pa Maneho di Naturalesa di Boneiru (Eilandsverordening natuurbeheer Bonaire).
Kuantu e ta kosta?
Gastu pa apliká pa un pèrmit di naturalesa ta $14. Por kubri e gastu akí na bali di ofisina di Registro Sivil (Burgerzaken) i por hasi esaki tambe pa medio di un transferensia riba kuenta di banko di MCB number 30100203 na nòmber di ‘Openbaar Lichaam Bonaire’.
Bo no ta di akuerdo ku e desishon?
Mester publiká e aplikashon pa un pèrmit di naturalesa, i esaki mester ta disponibel pa tur hende por konsultá durante 14 dia. Durante e periodo di inspekshon, interesado por entregá opheshon na Kolegio Ehekutivo. Kolegio Ehekutivo mester tuma e opheshonnan akí den konsiderashon ora di tuma desishon riba e petishon.
Bo por entregá opheshon kontra un desishon riba e petishon na Kolegio Ehekutivo denter di 6 siman despues di e fecha di e desishon, òf entregá un apelashon na Korte di Promé Instansia.
Ki lei i regla ta konta aki?
Kiko nos ta hasi ku bo datonan personal?
Si bo entregá un petishon òf mèldu algu, Entidat Públiko Boneiru mester di bo dato personal. Entidat Públiko Boneiru ta atendé bo datonan di forma konfidensial.
Den e Lei Protekshon di dato personal BES tin skirbí kon Entidat Públiko Boneiru mester hasi esaki.
E reglanan mas prinsipal ta :
- Entidat Públiko Boneiru ta pidi solamente dato ku mester pa por atendé ku bo petishon òf pa atendé ku loke bo a mèldu.
- Nan ta registrá i prosesá bo datonan di forma seif, konfidenshal i kouteloso.
- Ta usa bo datonan solamente pa e petishon òf loke bo a mèldu, òf pa algu ku tin direktamente di aber ku esei.
- No ta warda bo datonan mas largu di loke ta nesesario pa e petishon òf loke bo a mèldu.
- Otro organisashon ta haña bo datonan solamente si esei mester segun lei.
- Bo por puntra pa kua fin ta usa bo datonan i kiko ta hasi ku nan.
