Pa kap palu i kadushi na Boneiru bo tin mester di un pèrmit.
Kiko e produkto òf servisio aki ta nifiká?
Bo no tin mag di kap palu òf kadushi sin pèrmit.
Den pasado tabatin hopi kapmentu di palu na Boneiru. Palu, mata i kadushi tin un funshon importante: nan ta traha oksígeno, nan ta warda CO2, nan ta duna sombra i freskura, i nan ta yuda kontra eroshon. Nan ta sòru tambe pa kuminda i tin ora nan tin un efekto medisinal. Palu i mata na Boneiru ta importante pues pa tantu hende komo bestia. Sinembargo tin ora nan ta kousa molèster òf daño, por ehèmpel pa medio di nan raisnan ku ta hasi daño na sierto konstrukshonnan. Den e kaso ei por ta nesesario pa kita e palu òf e mata.
Prohibishon di kap palu i kadushi
Ta prohibí pa kap palu òf kadushi ku un sirkunferensia di tronkon di minimalmente 65 sèntimeter (midí na 1,30 meter di altura), sin pèrmit di Kolegio Ehekutivo. Un eksepshon ta konta pa Palu di Lechi (Cryptostegia grandiflora) i Palu di Neem, pa motibu ku e espesienan akí ta dañino pa naturalesa na Boneiru.
Ta prohibí tambe pa sin pèrmit kap palu ku ta riba e lista protehá, esaki sin importá e sirkunferensia. A inkluí e lista akí den Anekso 1 di e Dekreto Insular Maneho di Naturalesa.
Ki ora bo por pidi esaki?
No tin mag di kap palu ku un sirkunferensia di tronkon di minimalmente 65 sèntimeter sin pèrmit. Ku eksepshon di Palu di Neem, ku sí por kap sin pèrmit.
Kon bo por pidi esaki?
Akí bou tin algun paso i kondishon pa entregá un petishon:
1) Entregá petishon
Bo tin ku entregá un petishon pa pèrmit di naturalesa por eskrito na Kolegio Ehekutivo di Entidat Públiko Boneiru. Esaki ta e outoridat kompetente.
2) Dokumentunan obligatorio
Pa bo petishon pa un pèrmit pa kap palu, bo tin ku añadí e siguiente dokumentunan:
- Bo tin ku entregá un formulario di petishon kompletamente yená i firmá.
- Un kopia di un prueba bálido di identidat tambe ta nesesario.
- Banda di esaki bo tin ku añadí un kopia di bo inskripshon na Kámara di Komèrsio (KdK), den kua e aktividatnan ta korektamente menshoná.
- Un kopia di bo pèrmit di establesimentu tambe ta obligatorio.
- Bo tin ku entregá un akta di propiedat di e tereno.
- Un komprobante di pago di e leges di $ 14,- tambe ta nesesario.
- Duna un deskripshon klarito di e espesienan di palu ku bo ke bai kap.
- Bo tin ku añadí tres potrèt resien di e palunan i di e tereno, huntu ku un diseño di e situashon.
- Menshoná e espesienan eksakto di palu i tamaño di e palunan òf e matanan.
- Komo kompensashon bo tin ku komprobá ku bo a kumpli ku e pago pa replantashon di palu.
- Pa esaki konsultá e lista korespondiente ku ta kontené e reglanan di replantashon.
3) Dokumentunan adishonal
- Den kaso di un tereno grandi: un rapòrt ekológiko di un ofisina rekonosé, manera Eco Vision òf Wild Conscience.
- Den kaso di un doño nobo: un kopia di un akta di benta òf di kompra.
4) Informashon komplementario
Si falta informashon, Kolegio Ehekutivo por pidi bo pa entregá informashon komplementario.
Ku ken bo por tuma kontakto?
Pa mas informashon bo por manda un email na natuurvergunningen@bonairegov.com.
Kuantu tempu e ta tuma?
Dentro di 90 dia despues di a risibí e petishon, Kolegio Ehekutivo ta tuma un desishon tokante otorgamentu di e pèrmit òf eksonerashon, despues ku nan a pidi konseho serka e Komishon Maneho di Naturalesa Boneiru. Mas tokante e Komishon akí bo ta lesa den artíkulo 3 di e Ordenansa Insular Maneho di Naturalesa Boneiru.
Kuantu e ta kosta?
Hasi petishon pa un pèrmit di naturalesa ta kosta $14,00.
Por paga e gastunan akí na bali di ofisina di Registro Sivil i por hasi esaki alabes pa medio di un transakshon na MCB riba e kuenta di banko number 30100203 na nòmber di Entidat Públiko Boneiru.
Bo no ta di akuerdo ku e desishon?
Dentro di 90 dia despues di a risibí e petishon, Kolegio Ehekutivo ta tuma un desishon tokante otorgamentu di e pèrmit òf eksonerashon, despues ku nan a pidi konseho serka e Komishon Maneho di Naturalesa Boneiru. Mas tokante e Komishon akí bo ta lesa den artíkulo 3 di e Ordenansa Insular Maneho di Naturalesa Boneiru.
Ki lei i regla ta konta aki?
Kiko nos ta hasi ku bo datonan personal?
Si bo entregá un petishon òf mèldu algu, Entidat Públiko Boneiru mester di bo dato personal. Entidat Públiko Boneiru ta atendé bo datonan di forma konfidensial.
Den e Lei Protekshon di dato personal BES tin skirbí kon Entidat Públiko Boneiru mester hasi esaki.
E reglanan mas prinsipal ta :
- Entidat Públiko Boneiru ta pidi solamente dato ku mester pa por atendé ku bo petishon òf pa atendé ku loke bo a mèldu.
- Nan ta registrá i prosesá bo datonan di forma seif, konfidenshal i kouteloso.
- Ta usa bo datonan solamente pa e petishon òf loke bo a mèldu, òf pa algu ku tin direktamente di aber ku esei.
- No ta warda bo datonan mas largu di loke ta nesesario pa e petishon òf loke bo a mèldu.
- Otro organisashon ta haña bo datonan solamente si esei mester segun lei.
- Bo por puntra pa kua fin ta usa bo datonan i kiko ta hasi ku nan.
