Pa investigashon den áreanan di naturalesa protehá na Boneiru, bo tin mester di un eksonerashon.
Kiko e produkto òf servisio aki ta nifiká?
Un pèrmit ta rekerí pa akshonnan den naturalesa protehá.
Boneiru tin biodiversidat riku i pa e motibu ei ta atraé hopi sientífiko pa bin hasi investigashon. Regularmente sientífikonan ta bin e isla, ku tin mester di un pèrmit òf eksonerashon di kolegio ehekutivo pa nan investigashon.
Si bo ta deseá di tuma muestra di animal òf mata, òf si bo ta deseá di pone aparato den áreanan vulnerabel, hopi bia bo tin mester di un pèrmit.
Pidi eksonerashon
Bo mester pidi e eksonerashon ku bo tin mester pa investigashon sientífiko den áreanan vulnerabel òf ku animal òf mata protehá.
Lei di maneho marítimo BES
Si bo investigashon ta tuma lugá den e Parke bou di awa di Boneiru, ta posibel ku bo tin mester di un pèrmit tambe, segun Lei di maneho marítimo BES. Mas informashon al respekto bo ta haña akí: https://www.rijksdienstcn.com/infrastructuur-waterstaat/wet-maritiem-beheer-bes.
CITES
Si bo kier eksportá espesienan di animal òf mata protehá for di Boneiru, esaki ta kai bou di e kombenio di CITES. Mas informashon al respekto bo ta haña akí: https://www.rijksdienstcn.com/landbouw-natuur-voedselkwaliteit/natuur-en-biodiversiteit/handel-in-bedreigde-soorten.
Ki ora bo por pidi esaki?
Bo investigashon no mag hasi daño na naturalesa.
Kon bo por pidi esaki?
Akibou tin e paso- i kondishonnan pa entregá un petishon:
- Entregá petishon: Bo mester entregá un petishon pa un pèrmit di naturalesa por eskrito serka kolegio ehekutivo di entidat públiko Boneiru. Esaki ta e outoridat kompetente.
- Dokumentonan obligatorio: Añadí e siguiente dokumentonan huntu ku bo petishon:
- Un deskripshon di e proyekto òf aktividatnan pa kua bo ta pidi un pèrmit.
- Informashon tokante posibel efekto di bo proyekto riba naturalesa, manera rapòrt- òf estudionan di medioambiente.
- Mapa òf skèts di e área ku ta splika embergadura di e trabounan.
- Informashon adishonal: Si falta informashon, kolegio ehekutivo por pidi bo pa entregá dato adishonal.
Ku ken bo por tuma kontakto?
Pa mas informashon bo por manda e-mail pa natuurvergunningen@bonairegov.com.
Kuantu tempu e ta tuma?
Denter di 90 dia despues di risibí e petishon, kolegio ehekutivo ta tuma un desishon tokante otorgamentu di e pèrmit òf eksonerashon, despues di a pidi konseho di e komishon maneho di naturalesa Boneiru. Mas tokante e Komishon akí bo ta lesa den artíkulo 3 di Ordenansa insular maneho di naturalesa Boneiru.
Kuantu e ta kosta?
E gastunan pa pidi un pèrmit di naturalesa ta $14,00. Por paga e gastunan akí na bali di ofisina di Registro Sivil i tambe pa medio di transferensia riba kuenta di banko MCB, number di kuenta di banko 30100203 na nòmber di Entidat Públiko Boneiru.
Bo no ta di akuerdo ku e desishon?
Mester publiká e petishon pa un pèrmit di naturalesa i mester pon’é durante 14 dia pa tur hende tira bista den dje. Durante e periodo si konsulta públiko, personanan ku tin interes por trese nan dudanan dilanti serka kolegio ehekutivo. Ora di tuma un desishon riba e petishon, kolegio ehekutivo mester tuma e dudanan akí den konsiderashon.
Denter di 6 siman despues di e fecha di e desishon, bo por presentá opheshon kontra un desishon serka kolegio ehekutivo òf entamá apelashon na Korte den Promé Instansia.
Ki lei i regla ta konta aki?
Unda bo por haña mas informashon?
Kiko nos ta hasi ku bo datonan personal?
Si bo entregá un petishon òf mèldu algu, Entidat Públiko Boneiru mester di bo dato personal. Entidat Públiko Boneiru ta atendé bo datonan di forma konfidensial.
Den e Lei Protekshon di dato personal BES tin skirbí kon Entidat Públiko Boneiru mester hasi esaki.
E reglanan mas prinsipal ta :
- Entidat Públiko Boneiru ta pidi solamente dato ku mester pa por atendé ku bo petishon òf pa atendé ku loke bo a mèldu.
- Nan ta registrá i prosesá bo datonan di forma seif, konfidenshal i kouteloso.
- Ta usa bo datonan solamente pa e petishon òf loke bo a mèldu, òf pa algu ku tin direktamente di aber ku esei.
- No ta warda bo datonan mas largu di loke ta nesesario pa e petishon òf loke bo a mèldu.
- Otro organisashon ta haña bo datonan solamente si esei mester segun lei.
- Bo por puntra pa kua fin ta usa bo datonan i kiko ta hasi ku nan.
