Bo ke kuminsá ku aktividat empresarial den Boneiru su parke bou di laman? Pa esaki bo mester tin un pèrmit.
Kiko e produkto òf servisio aki ta nifiká?
Sin pèrmit bo no tin mag di kuminsá ku ningun aktividat.
E laman rònt di Boneiru tin un di e refnan di koral mihó konservá na mundu. A designá e área for di e liña ku ta indiká e nivel mas haltu di laman te 60 meter di profundidat komo parke di naturalesa i parke nashonal. Pa protehá naturalesa den e Parke Bou di Laman akí, no tur hende por djis kuminsá un kompania di deporte akuátiko. Pa aktividat komersial den e ambiente balioso akí bo tin mester di un pèrmit di naturalesa.
Prohibishon pa kuminsá sin pèrmit di naturalesa
Tin un prohibishon pa kuminsá sin pèrmit di naturalesa. E reglanan general pa protekshon di naturalesa den e Parke Bou di Laman ta den e Dekreto Insular Parke Bou di Laman Boneiru (2010), Paragraf V: https://lokaleregelgeving.overheid.nl/CVDR40370.
Ki ora bo por pidi esaki?
Bo aktividat(nan) empresarial no tin mag di influensiá naturalesa den un forma negativo.
Kon bo por pidi esaki?
Pa entregá un petishon, bo tin ku kumpli ku algun kondishon:
- Bo mester ta inskribí na Kámara di Komèrsio (KdK).
- Banda di esaki bo tin mester di un pèrmit di establesimentu.
- Finalmente bo tin ku finalisá e Reef Ranger Courseeksitosamente via STINAPA.
Entregá petishon
Bo tin ku entregá un petishon por eskrito pa un pèrmit di naturalesa na Kolegio Ehekutivo di Entidat Públiko Boneiru. Esaki ta e outoridat kompetente.
Dokumentunan obligatorio
Pa bo petishon pa un pèrmit di naturalesa, bo tin ku añadí e siguiente dokumentunan:
- Bo mester entregá un formulario di petishon kompletamente yená.
- Un kopia di un prueba di identidat bálido tambe ta nesesario.
- Banda di esaki bo tin ku añadí kopia di bo inskripshon na Kámara di Komèrsio (KdK), den kua bo aktividatnan ta korektamente menshoná.
- Un kopia di bo pèrmit di establesimentu tambe ta obligatorio.
- Si bo ta ehekutá aktividat den e parke bou di laman, bo mester por mustra un sertifikado di eReef Ranger Coursedi STINAPA.
Mas aleu bo mester por komprobá ku e leges di $ 14 ta pagá.
Duna un deskripshon klarito di e sitio kaminda e aktividat ta bai tuma lugá.
Si bo ta hasi uso di un boto/barku, bo tin ku añadí tres potrèt resien di e boto/barku. Tambe e boto/barku mester ta registrá serka kapitan di haf, i kapitan di haf mester a hasi un Safety Security Check ku e boto/barku.
Den kaso ku e petishon ta trata di aktividat di buseo, e ora ei pa tur instruktor bo tin ku entregá un lisensia di buseo di un instansia rekonosí.
Banda di esaki bo tin ku añadí dokumentashon tokante e límitenan di e liña ku ta indiká e nivel mas haltu di laman, ku bo por pidi na Kadaster.
Un evaluashon di e destinashon di parti di e departamento di Plan di Desaroyo Teritorial Boneiru (ROB) tambe ta un eksigensia.
Dokumentunan adishonal
- Den kaso di prolongashon òf renobashon: un kopia di e pèrmit bieu.
- Den kaso di un doño nobo: un kopia di e akta di benta òf kompra.
Informashon komplementario
Si falta informashon, Kolegio Ehekutivo por pidi bo pa entregá informashon komplementario.
Ku ken bo por tuma kontakto?
Tuma kontakto via natuurvergunningen@bonairegov.com.
Kuantu tempu e ta tuma?
Dentro di 90 dia despues di a risibí e petishon, Kolegio Ehekutivo ta tuma un desishon tokante otorgamentu di e pèrmit òf eksonerashon, despues ku nan a pidi konseho serka e Komishon Maneho di Naturalesa Boneiru. Mas tokante e Komishon akí bo ta lesa den artíkulo 3 di e Ordenansa Insular Maneho di Naturalesa Boneiru.
Kuantu e ta kosta?
Hasi petishon pa un pèrmit di naturalesa ta kosta $14,00.
Por paga e gastunan akí na bali di ofisina di Registro Sivil i por hasi esaki alabes pa medio di un transakshon na MCB riba e kuenta di banko number 30100203 na nòmber di Entidat Públiko Boneiru.
Pa aktividat empresarial den e parke bou di laman bo tin ku paga $1000,--, esaki konforme Anekso 3 di e Dekreto Insular Maneho di Naturalesa.
Bo no ta di akuerdo ku e desishon?
Mester publiká e petishon pa un pèrmit di naturalesa i durante 14 dia e mester ta disponibel pa tur hende tira bista aden. Durante e periodo pa tira bista den e petishon, interesadonan por duna nan opheshon di konosé na Kolegio Ehekutivo. Na momentu ku Kolegio Ehekutivo ta tuma desishon riba e petishon, nan mester tuma e opheshonnan akí na konsiderashon. Dentro di 6 siman despues di fecha di e desishon, bo por duna bo opheshonnan di konosé na Kolegio Ehekutivo òf bai den apelashon na Korte di Prome Instansia kontra un desishon riba e petishon.
Ki lei i regla ta konta aki?
Unda bo por haña mas informashon?
Kiko nos ta hasi ku bo datonan personal?
Si bo entregá un petishon òf mèldu algu, Entidat Públiko Boneiru mester di bo dato personal. Entidat Públiko Boneiru ta atendé bo datonan di forma konfidensial.
Den e Lei Protekshon di dato personal BES tin skirbí kon Entidat Públiko Boneiru mester hasi esaki.
E reglanan mas prinsipal ta :
- Entidat Públiko Boneiru ta pidi solamente dato ku mester pa por atendé ku bo petishon òf pa atendé ku loke bo a mèldu.
- Nan ta registrá i prosesá bo datonan di forma seif, konfidenshal i kouteloso.
- Ta usa bo datonan solamente pa e petishon òf loke bo a mèldu, òf pa algu ku tin direktamente di aber ku esei.
- No ta warda bo datonan mas largu di loke ta nesesario pa e petishon òf loke bo a mèldu.
- Otro organisashon ta haña bo datonan solamente si esei mester segun lei.
- Bo por puntra pa kua fin ta usa bo datonan i kiko ta hasi ku nan.
