Bo buki di hür a pèrdè òf daña? E ora ei bo por pidi un kopia.
Kiko e produkto òf servisio aki ta nifiká?
Solamente e hürdó registrá di e tereno di hür konserní, por pidi un kopia di e buki di hür.
Ki ora bo por pidi esaki?
Por suministrá un kopia, ora e buki di hür original a pèrdè, daña òf pa otro motibu bálido no ta disponibel mas.
Kon bo por pidi esaki?
Bo por hasi e petishon fásilmente pa medio di e formulario di petishon online. Pa hasi esaki, sigui e pasonan deskribí riba e formulario.
Ku ken bo por tuma kontakto?
Bali di Direktorado Planifikashon i Desaroyo (R&O).
Bo por manda un e-mail tambe pa directie_ro@bonairegov.com (general).
Kuantu tempu e ta tuma?
Ta dependé di kontrol i atministrashon.
Kuantu e ta kosta?
Renobashon di e dokumento òf pidi un kopia kosta $6,-.
Bo no ta di akuerdo ku e desishon?
Bo no ta di akuerdo ku un desishon? Mayoria bia bo por hasi opheshon e ora ei. Puntra na bali òf wak den e karta di desishon, kon bo ta hasi opheshon i den ki término.
Kiko nos ta hasi ku bo datonan personal?
Si bo entregá un petishon òf mèldu algu, Entidat Públiko Boneiru mester di bo dato personal. Entidat Públiko Boneiru ta atendé bo datonan di forma konfidensial.
Den e Lei Protekshon di dato personal BES tin skirbí kon Entidat Públiko Boneiru mester hasi esaki.
E reglanan mas prinsipal ta :
- Entidat Públiko Boneiru ta pidi solamente dato ku mester pa por atendé ku bo petishon òf pa atendé ku loke bo a mèldu.
- Nan ta registrá i prosesá bo datonan di forma seif, konfidenshal i kouteloso.
- Ta usa bo datonan solamente pa e petishon òf loke bo a mèldu, òf pa algu ku tin direktamente di aber ku esei.
- No ta warda bo datonan mas largu di loke ta nesesario pa e petishon òf loke bo a mèldu.
- Otro organisashon ta haña bo datonan solamente si esei mester segun lei.
- Bo por puntra pa kua fin ta usa bo datonan i kiko ta hasi ku nan.
